1 Marena 14:17 - Sesotho 1909/1961 (SO)

¹⁷ Yaba mosadi wa Jeroboame o tloha, a ikela, a tla Thirtsa; mme ha a feta sefate sa monyako wa ntlo, ngwana a shwa.

BIBELE

¹⁷ Yaba mosadi wa Jeroboame o a ema, o a tsamaya, o fihla Tiresa. Ha a qala a fihla mathuleng a ntlo, ke ha ngwana a eshwa.

1 Marena 14:17 ပူးပေါင်းရင်းမြစ်များ

1 Marena 15:21

Baesha, eitse ha a utlwa, a lesela ho haha Rama, a ya dula Thirtsa.

1 Marena 15:33

Baesha, mora Akija, a qala ho busa Baiseraele bohle, a le Thirtsa, ka selemo sa boraro sa Asa, morena wa Juda, a busa ka dilemo tse mashome a mabedi a metso e mene.

1 Marena 16:15

Ka selemo sa mashome a mabedi a metso e supileng sa Asa, morena wa Juda, Simri a qala ho busa, a busa tshiu tse supileng Thirtsa. Ke ha setjhaba se ne se lwantsha Gibbethone wa Bafilesta.

1 Marena 16:23

Ka selemo sa mashome a mararo a motso o mong sa Asa, morena wa Juda, Omri a qala ho busa Iseraele; a busa ka lemo tse leshome le metso e mmedi; a busa ka tse tsheletseng a le Thirtsa.

2 Marena 15:14

Yaba Menaheme, mora Gadi, o tloha Thirtsa, a tla Samaria, a hlaba Shallume, mora Jabeshe, Samaria, a mmolaya, mme ya eba yena morena tulong tsa hae.

Sefela sa Salomone 6:4

Thatohatsi ya ka, o motle jwaloka Thirtsa, o lakatseha jwaloka Jerusalema; le teng o tshabeha jwaloka makgotla a hlometseng tlasa difolaga tsa wona.

Joshua 12:24

e mong, ke morena wa Thirtsa; marena ao wohle a mashome a mararo a motso o mong.