1 Marena 11:15 - Sesotho 1909/1961 (SO)

¹⁵ Hobane, mohla Davida a neng a futuhetse Edomo, Joabe, molaodi wa makgotla a hae, hoba a epele ditopo, a ya, a bolaya ba batona bohle ba Edomo.

BIBELE

¹⁵ Hoba Davida a hlole Baedomo, Joabe, molaodi wa lebotho, a nyoloha ho ya epela babolauwa. Joabe o ne a ile a bolaya banna bohle ba ahileng Edomo,

1 Marena 11:15 ပူးပေါင်းရင်းမြစ်များ

Genese 25:23

Jehova a re ho yena: Ditjhaba tse pedi di ka popelong ya hao; mefuta e mmedi e tla ikarohanya e etswa maleng a hao, setjhaba se tla hlola setjhaba se seng, mme e moholo o tla sebeletsa e monyenyane.

Genese 27:40

empa o tla phela ka lerumo la hao, o sebeletse moenao; etlare ha o etsa ka matla, o tla roba joko ya hae, o e kwele molaleng wa hao.

2 Samuele 8:13

Davida a iketsetsa lebitso le leholo, ha a kgutla polaong ya Basiria, Thoteng ya Letswai, a bolaile batho ba dikete tse leshome le nang le metso e robileng meno e le mmedi.

2 Samuele 8:14

A bea bahlabani Edomo; kahohle Edomo, a bea bahlabani, le Baedomo bohle ya eba bafo ba Davida. Jehova a nna a boloka Davida jwalo hohle moo a yang.

1 Marena 11:14

Jwale, Jehova a tsosetsa Salomone sera, e le Moedomo Hadade, wa lesika la morena wa Edomo.

1 Marena 11:16

Joabe a dula teng, a ena le Baiseraele bohle, kgwedi tse tsheletseng, a ba a phetha ho bolaya ba batona bohle ba Edomo.

Dipesaleme 108:10

Ke mang ya tla nkisa motseng o matla? Ke mang ya tla ntsamaisa ho fihlela Edomo?

Dipesaleme 60:1

Oho Modimo, o re lahlile, o re qhalantse; o ne o halefile; oho, o boele o re tsose!

Numere 31:17

Jwale, bolayang ba batona kaofela ba hara bana, le bolaye mosadi e mong le e mong ya kileng a tsebana le monna diphateng;

Numere 31:7

Ba futuhela Bamidiane ka taelo eo Jehova a e neileng Moshe, mme ba bolaya ba batona kaofela.

Deuteronoma 20:13

Ha Jehova, Modimo wa hao, a o neela matsohong a hao, o tla bolaya ba batona bohle ka bohale ba lerumo.