1 Dikronike 6:3 - Sesotho 1909/1961 (SO)

³ Bara ba Aarone ke Nadabe, Abihu, Eleasare, le Ithamare.

BIBELE

³ Bana ba Amorame ke Arone, le Moshe, le Meriama; bara ba Arone ke Nadabe, le Abidu, le Eleasare, le Itamare.

1 Dikronike 6:3 ပူးပေါင်းရင်းမြစ်များ

1 Dikronike 15:10

ho bara ba Usiele, e le Amminadabe, hlooho, le banababo, batho ba lekgolo le nang le leshome le metso e mmedi.

1 Dikronike 23:12

Bara ba Kehathe ke Amrame, Jitsehare, Hebrone le Usiele; ba bane.

1 Dikronike 23:13

Bara ba Amrame ke Aarone le Moshe; Aarone yena a kgethwa, hore a tle a halaletswe ka ho sa feleng ka kgalalelo e fetisang, e le yena le bara ba hae, mme ba tjhese dibano pela Jehova, ba mo sebeletse, ba hlohonolofatse setjhaba ka lebitso la hae ka ho sa feleng.

1 Dikronike 24:22

ho ba Jitsehare ke Shelomothe, ho bara ba Shelomothe ke Jahathe.

1 Dikronike 6:2

Bara ba Kehathe ke Amrame, Jitsehare, Hebrone, le Usiele. Bana ba Amrame ke Aarone, Moshe, le Miriame.

1 Dikronike 6:4

Eleasare a tswala Finease, Finease a tswala Abishua,

Eksoda 15:20

Yaba Miriame moporofeta, kgaitsedi ya Aarone, le yena o nka moropa letsohong la hae; basadi kaofela ba tswa, ba mo sala morao, ba nkile meropa, ba tlaka.

Eksoda 2:4

Mme kgaitsedi ya ngwana a ema hojana, ho bona se tlang ho mo hlahela.

Eksoda 2:7

Kgaitsedi ya ngwana a re ho moradi wa Faro: A nka ya, ka o bitsetsa moanyesi ho basadi ba Baheberu, a tle a o anyesetse ngwana na?

Eksoda 24:1

Yaba Modimo o re ho Moshe: Nyolohela ho Jehova, le ena le Aarone, le Nadabe, le Abihu, le baholo ba mashome a supileng ba Iseraele, mme le kgumame le sa le hole.

Eksoda 28:1

O atametse Aarone, moholwane wa hao, pela hao, a tle le bara ba hae, ba kgethwe ho bana ba Iseraele, hore ba etse mosebetsi wa boprista pela ka: e be Aarone, le Nadabe, le Abihu, le Eleasare, le Ithamare, bara ba Aarone.

Eksoda 6:20

Amrame o ne a nyetse Jokebede, rakgadiae, mme a mo tswalla Aarone le Moshe. Dilemo tsa ho phela ha Amrame tsa eba lekgolo le mashome a mararo a metso e supileng.

Eksoda 6:23

Aarone o ne a nyetse Elisheba, moradi wa Amminadabe, kgaitsedi ya Nashone, mme a mo tswalla Nadabe le Abihu, Eleasare, le Ithamare.

Levitike 10:1

Nadabe le Abihu, bara ba Aarone, ba nka e mong le e mong pitsana ya ho tjhesa dibano, ba okga mollo ka tsona, ba ntoo di tshela ka dibano, mme ba hlahisa pela Jehova mollo osele, e le seo a sa kang a ba laela sona.

Levitike 10:12

Moshe a re ho Aarone le ho Eleasare le Ithamare, bara ba hae ba babedi ba pholohileng: Nkang nyehelo e setseng ya mahlabelo a tjheseditsweng Jehova, mme le e je e sa lomoswa, kathoko ho aletare; hobane e halalela haholo.

Levitike 10:16

Moshe a botsa phooko ya sehlabelo sa sebe; empa a fumana hobane ba e tjhesitse.

Mikea 6:4

Ke o ntshitse lefatsheng la Egepeta, ke o lopolotse tlung ya bohlanka, ka ba ka o etella pele ka Moshe le Aarone le Miriame.