1 Dikronike 27:33 - Sesotho 1909/1961 (SO)

³³ Akitofele e ne e le moeletsi wa morena; Hushai Moarke yena e ne e le motswalle wa morena.

BIBELE

³³ Ahitofele e ne e le moeletsi wa kgosi; Hushai wa Moarake e le motswalle wa kgosi.

1 Dikronike 27:33 ပူးပေါင်းရင်းမြစ်များ

2 Samuele 15:12

Absalome a romela le ho bitsa Akitofele Mogilone, moeletsi wa Davida, Gilo, motseng wa habo, nakong eo a neng a hlaba mahlabelo. Morero wa ba kwenehetseng morena wa tiya, le batho ba tlang ho Absalome ba nna ba eketseha.

2 Samuele 15:32

Davida eitse ha a fihla hlorong ya thaba moo Modimo o sebeletswang teng, Hushai Moarke a tla mo kgahlanyetsa, a hahotse kobo ya hae, a le dithole hloohong.

2 Samuele 15:37

Yaba Hushai, motswalle wa Davida, o ya motseng. Mme Absalome a kena Jerusalema.

2 Samuele 16:23

Mehleng eo, keletso eo Akitofele a neng a eletsa ka yona, e be e kgodisa jwaloka eka ho botsitswe molomo wa Modimo. Keletso tsohle tsa Akitofele di ne di le kalo ho Davida le ho Absalome.

2 Samuele 17:23

Jwale, Akitofele, ha a bona hore ha ho etswe ka keletso ya hae, a qhaneha esele ya hae, a tloha, a ya hae motseng wa habo; a hleka ntlo ya hae, a ikgama, a shwa, mme a epelwa lebitleng la ntatae.

1 Marena 4:5

le Asaria, mora Nathane, modisa wa matona a mang; le Sabude, mora moprista Nathane, sephatho sa morena;

1 Dikronike 27:32

Haele Jonathane, maloma Davida, e ne e le monna wa lekgotla, motho ya kelello, ya rutehileng. Jehiele, mora Hakmoni, o ne a dula le bara ba morena.

Dipesaleme 55:13

empa ke wena, monna eo o leng mokana e motswalle wa ka;

Sakaria 13:7

Wena lerumo, tsohela modisa wa ka, e leng monna e leng mohaeso, ho bolela Jehova wa makgotla. Otla modisa, dinku di tle di qhalane; empa ke tla busa letsoho la ka hodima ba banyenyane.