1 Dikronike 26:26 - Sesotho 1909/1961 (SO)

²⁶ Shelomithe eo le banababo ba bewa balebedi ba matlotlo wohle a dintho tse halalelang tseo morena Davida, le dihlooho tsa matlo, le balaodi ba dikete le ba makgolo, le balaodi ba bang ba makgotla, ba neng ba di kgethetse Jehova;

BIBELE

²⁶ Ke bo-Shelomite le bana babo, bao e neng e le balebedi ba matlotlo a dimpho tse abetsweng Morena, tseo kgosi Davida, le dihlooho tsa malapa, le balaodi ba bahlabani ba sekete, le ba bahlabani ba lekgolo, le balaodi ba mabotho, ba ileng ba di abela Morena.

1 Dikronike 26:26 ပူးပေါင်းရင်းမြစ်များ

2 Samuele 8:11

Le tsona morena Davida a di kgethela Jehova, hammoho le silefera le kgauta tseo a di kgethileng tsa ditjhaba tsohle tseo a di hlotseng;

1 Dikronike 18:11

Morena Davida a di kgethela Jehova, hammoho le silefera le kgauta tseo a neng a di hapile ditjhabeng tsohle, e leng ho Edomo, le Moabe, le bana ba Ammone, le Bafilesta, le Amaleke.

1 Dikronike 22:14

O ka bona, bonyenyaneng ba ka, ke lokiseditse ntlo ya Jehova kgauta e ditalenta tse dikete tse lekgolo, le silefera e ditalenta tse dikete tse sekete, le koporo le tshepe tse se nang ho lekanngwa, kahobane di ngata haholo. Ke lokisitse le difate le majwe, mme o tla boela o ekeletse teng.

1 Dikronike 26:25

Bao e neng e le banababo ka Eliesere, e ne e le mora hae Rehabia, le mora hae Esaia, le mora hae Jorame, le mora hae Sikri, le mora hae Shelomithe.

1 Dikronike 26:27

ba ne ba di nkile dintweng le kgapong, ba di kgethela kotlo ya ntlo ya Jehova;

1 Dikronike 28:21

Bona hape, dihlopha tsa baprista le tsa Balevi ke tseo, kamoo di lokiseditsweng tshebeletso yohle ya ntlo ya Modimo kateng; hape, bakeng sa mosebetsi wohle, o na le banna bohle ba pelo tse ratang, ba masene mesebetsing yohle; hapehape, dihlooho le sona setjhaba kaofela ha sona di tla ba teng ho wena, ho etsa tsohle tseo o tla di laela.

1 Dikronike 9:14

Ho Balevi, ke Shemaia, mora Hashube, mora Asrikame, mora Hashabia, wa bara ba Merari;

2 Dikronike 23:8

Balevi le Bajuda kaofela ba etsa ka tsohle tse laetsweng ke moprista Jehojada; ba nka e mong le e mong banna ba hae ba tshwanetseng ho kena tshebeletsong ka Sabatha, hammoho le ba tswang ka Sabatha; hobane moprista Jehojada a ne a sa ka a kgutlisa dihlopha tse tswang.

2 Dikronike 31:2

Esekiase a tsosa dihlopha tsa baprista le tsa Balevi dikarolong tsa bona, se seng le se seng ka mofuta wa tshebetso ya sona, e le baprista le Balevi, ho etsa ditjheso le mahlabelo a teboho, ho etsa tshebeletso, le ho rorisa le ho boka Jehova menyakong ya diahelo tsa Jehova.

Esdrase 2:42

Haele bana ba balebedi ba menyako, ya eba bana ba Shallume, le bana ba Athere, le bana ba Thalmone, le bana ba Akkube, le bana ba Hathitha, le bana ba Shobai; hammoho ba etsa lekgolo le nang le mashome a mararo a metso e robileng mono o le mong.

Nehemia 12:45

Ba nna ba boloka tsohle tseo e leng tsa tshebeletso ya Modimo wa bona le tseo e leng tsa dihlwekiso; le tsona dibini le balebedi ba menyako ba etsa jwalo, kamoo ho neng ho laetse Davida le Salomone mora hae kateng;