1 Dikronike 21:30 - Sesotho 1909/1961 (SO)

³⁰ mme Davida o ne a sitilwe ho ya pela aletare eo ho botsa Modimo, hobane a ne a tshositswe ke sabole ya lengeloi la Jehova.

BIBELE

³⁰ Empa Davida o ne a ke ke a ya teng ho ya botsa Morena, hobane o ne a tshaba sabole ya lengeloi la Morena.

1 Dikronike 21:30 ပူးပေါင်းရင်းမြစ်များ

2 Samuele 6:9

Tsatsing leo, Davida a tshaba Jehova, a re: Areka ya Jehova e ka tla jwang ha ka?

1 Dikronike 13:12

Tsatsing leo, Davida a tshaba Modimo, a re: Nka isa areka ya Modimo jwang ha ka?

1 Dikronike 21:16

Davida eitse ha a emisa mahlo, a bona lengeloi la Jehova le eme pakeng tsa lefatshe le lehodimo, le tshwere sabole e bolatsi letsohong la lona, le e otlolletse Jerusalema. Yaba Davida le baholo, ba apere masela a mahwashe, ba itahla fatshe ka difahleho tsa bona.

1 Dikronike 21:29

Motsotsong oo, tabernakele ya Jehova, e na beng e entswe ke Moshe nahathothe, le aletare ya ditjheso, di ne di le nqalong e phahameng ya Gibeone;

1 Dikronike 22:1

Yaba Davida o re: Ke hona mona moo ntlo ya Jehova Modimo, ke hona mona moo aletare ya ditjheso tsa Iseraele.

Jobo 13:21

O honyetse letsoho la hao hole le nna, mme o se ke wa ntshosa ka letsoso la hao.

Jobo 21:6

Leha ke hopola hoo, ke ye ke timellwe ke mehopolo, mme nama ya ka e sisimohe.

Jobo 23:15

Ke ka baka leo ke thothomelang pela wona; ha ke hopola, ke o tshohe hampe.

Dipesaleme 119:120

Mmele wa ka o tlakasela ke ho o tshaba; ke tshaba dikahlolo tsa hao.

Dipesaleme 90:11

Matla a bohale ba hao le botshabeho ba kgalefo ya hao ke mang ya di elang hloko?

Jeremia 10:7

Ya ka beng a sa o tshabe ke mang, Morena wa ditjhaba? Hobane o lokelwa ke ho tshajwa, hobane hara ba hlalefileng kaofela ba ditjhaba le hara mebuso yohle ya tsona ha ho ya jwaloka wena.

Jeremia 5:22

Hleka le ke ke la ntshaba na, ho bolela Jehova? Na le ke ke la thothomela pela ka na, nna ke entseng lehlabathe moedi wa lewatle, e leng moedi o sa feleng, oo le se nang ho o tlola na? Maqhubu a lona a tsokotseha, a mpa a se na matla, a dumaduma, a mpa a sa tlole.

Deuteronoma 10:12

Mme jwale, Iseraele, Jehova, Modimo wa hao, o batlang ho wena, haese hore o tshabe Jehova, Modimo wa hao, o tsamaye tseleng tsa hae tsohle, o mo rate, mme o sebeletse Jehova, Modimo wa hao, ka pelo ya hao yohle, le ka moya wa hao wohle,

Tshenolo 1:17

Eitse ha ke mmona, ka wela maotong a hae, yaka ke shwele. A bea letsoho la hae le letona hodima ka, a re ho nna: Se tshabe; ke nna wa pele le wa morao, mme ke a phela.

Tshenolo 15:4

Ya sa tlo o tshaba ke ha e le mang, Morena? Ya sa tlo tlotlisa lebitso la hao ke mang? Hobane ya halalelang ke wena o nnotshi. Mme ditjhaba tsohle di tla tla, di kgumame maotong a hao, kahobane dikahlolo tsa hao di beilwe pepeneneng.