1 Dikronike 19:2 - Sesotho 1909/1961 (SO)

² Davida a re: Ke tla bontsha Hanune, mora Nahashe, mosa wa ka, kahobane le ntatae o kile a mpontsha mosa wa hae. Kahoo, Davida a roma bahlanka ba tle ba mo tshedise bakeng sa ho shwa ha ntatae. Bahlanka ba Davida ba fihla naheng ya bana ba Ammone ho Hanune, ba re, ba tla mo tshedisa.

BIBELE

² Yaba Davida o re: “Hanune, mora wa Nahashe, ke tla mo etsetsa tse molemo, hobane ntatae le yena o ile a nketsetsa tse molemo.” Ka baka leo, Davida a roma maqosa a hae ho isetsa Hanune matshediso, ka baka la lefu la ntatae. Bahlanka ba Davida ba fihla naheng ya Baamone ho isetsa Hanune matshediso.

1 Dikronike 19:2 ပူးပေါင်းရင်းမြစ်များ

2 Samuele 9:1

Jwale Davida a re: Na ha ho sa le le a mong ya siilweng wa ntlo ya Saule, ke tle ke mo etse ka mohau ka baka la Jonathane na?

2 Samuele 9:7

Davida a re ho yena: Se tshabe, hobane ke fela ke tla o etsa ka mohau ka baka la Jonathane ntatao, ke busetse ho wena le masimo wohle a ntatao Saule; wena, o tla nne o je dijo tafoleng ya ka kamehla.

2 Marena 4:13

Elisha a re ho Gehasi: Mmolelle hle, o re: Bona, o re babaletse ka paballo e kgolo; o ka etsetswang? Kapa o rata ho rapellwa pela morena, leha e le pela molaodi wa makgotla na? Yena a re: Tjhe, ke dutse setjhabeng sa heso.

1 Dikronike 19:1

Kamora tseo, Nahashe, morena wa bana ba Ammone, a timela, mme mora wa hae ya eba morena tulong tsa hae.

1 Dikronike 19:3

Empa baholo ba bana ba Ammone ba re ho Hanune: Ha Davida a rometse batshedisi ho wena, hleka o re, ke ka ho hlonepha ntatao na? Ha bahlanka ba hae ba tlile ho wena, na hase ka baka la ho tla qamakisisa motse, le ho timetsa, le ho hlwela naha na?

Nehemia 13:1

Motsotsong oo, ha balwa bukeng ya Moshe, setjhaba se mametse; ha fumanwa ho ngodilwe hore Moammone le Momoabe ba ke ke ba kena phuthehong ya Modimo le ka mohla o le mong;

Nehemia 4:3

Tobia Moammone, ya neng a eme pela hae, a re: Mme seo ba se hahang, leha phokojwe e ka hlwella teng, e ka heletsa lerako la bona la majwe!

Nehemia 4:7

Eitse ha Sanballate, le Tobia, le Baarabe, le Baammone, le Baashdode, ba utlwa hobane ho tsoswa ha marako a Jerusalema ho ntse ho tswela pele, le hobane dikgeo di se di batla di thibeha, ba halefa haholo,

Esthere 6:3

Morena a re: Hlompho le kganya ke dife tseo Mordekai a di etseditsweng bakeng seo? Bahlanka ba sebeletsang morena, ba re: Ha a ka a etsetswa letho.

Moeklesia 9:15

empa teng motho o ne a le teng, wa mofutsana, ya bohlale, ke yena ya pholositseng motse ka bohlale ba hae; leha ho le jwalo, motho eo wa mofutsana ha a ka a hopolwa ke motho.

Johanne 11:19

Bajuda ba bangata ba ne ba tlile ho Maretha le ho Maria, ho ba tshedisa bakeng sa ho shwa ha kgaitsedi ya bona.

1 Samuele 30:26

Eitse ha Davida a fihlile Tsiklage, a romela kgapo e nngwe ho baholo ba Juda le ho bahabo, a re: Ke yona kgapiso ya ka ho lona ya tse hapilweng ho dira tsa Jehova.