1 Dikronike 12:38 - Sesotho 1909/1961 (SO)

³⁸ Bao kaofela, e leng banna ba ntwa, ba tsebang ho ema ka ho itlhopholla, ba tla Hebrone ka pelo tse phethehileng, ho bea Davida morena wa Baiseraele bohle; le Baiseraele ba bang bohle ba ne ba le pelo e le nngwe ho bea Davida morena.

BIBELE

³⁸ Bahlabani bana bohle, ba neng ba ema thekong ya ntwa, ba fihla Heborone ba ikemiseditse ho bea Davida hore e be kgosi ya Iseraele. Le Baiseraele bohle ba ne ba le maikutlo a le mang a hore Davida a bewe, e be kgosi.

1 Dikronike 12:38 ပူးပေါင်းရင်းမြစ်များ

1 Marena 11:4

Salomone, hobane a tsofale, basadi bao ba hae ba kgelosetsa pelo ya hae medimong esele, mme pelo ya hae ha e a ka ya hlola e eba ya Jehova, Modimo wa hae, kaofela ha yona, jwaloka pelo ya ntatae Davida.

1 Marena 8:61

Pelo tsa lona tsohle ha e ke e be tsa Jehova, Modimo wa rona, le tle le tsamaye ka melao ya hae, le boloke taelo tsa hae, jwaloka kajeno.

2 Marena 20:3

Oho, Jehova, hopola hle kamoo ke tsamaileng pela hao kateng, ka nnete le ka pelo yohle, ka etsa ho leng hotle mahlong a hao. Mme Esekiase a lla haholo.

1 Dikronike 12:33

Ho Basabulone, ha tla ba dikete tse mashome a mahlano, ba tsebang ho futuha, ba hlometseng dibetsa tsohle tsa ntwa, ba tsebang ho ema ka makgotla, ba se nang pelo tse pedi.

1 Dikronike 12:37

Ho ba mose ho Jordane, e leng Barubene le Bagade le ba mothapo o mong wa leloko la Manasse, ha tla ba dikete tse lekgolo le nang le mashome a mabedi, ba hlometse dibetsa tsohle tsa ntwa.

1 Dikronike 12:39

Ba dula teng ho Davida matsatsi a mararo, ba ntse ba eja, ba enwa; hobane banababo bona ba ne ba ba lokiseditse tsohle.

2 Dikronike 30:12

Hape, letsoho la Jehova la eba ho Bajuda, ho ba nea pelo e le nngwe ho etsa ka taelo ya morena le ya mahosana, ka ho ya ka lentswe la Jehova.

Dipesaleme 101:2

Ke tla tsamaya ka tlung ya ka ka pelo e lokileng.

Dipesaleme 110:3

Setjhaba sa hao e tla ba se mafolofolo ka letsatsi la ho futuha ha hao; ka bokgabane bo kgethehileng, ba batjha ba hao ba ya tswa pela hao jwaloka phoka e tswang popelong ya mafube.

Ezekiele 11:19

Ke tla ba nea pelo e le nngwe, ke be ke bee moya o motjha kahare ho bona; ke tla ntsha pelo ya lejwe nameng ya bona, mme ke ba nee pelo ya nama;