1 Dikronike 12:28 - Sesotho 1909/1961 (SO)

²⁸ Ha tla le Tsadoke, mohlankana wa mohale, a ena le ba ntlo ya ntatae, e le mahosana a mashome a mabedi a metso e mmedi.

BIBELE

²⁸ Sadoke, mohale wa mohlankana, o ne a ena le balaodi ba mashome a mabedi a metso e mmedi, ba tswang lapeng labo.

1 Dikronike 12:28 ပူးပေါင်းရင်းမြစ်များ

2 Samuele 8:17

Tsadoke, mora Akitube, le Akimeleke, mora Abiathare, e ne e le baprista; Seraia e ne e le mongodi;

1 Marena 1:8

Empa moprista Tsadoke, le Benaia mora Jehojada, le moporofeta Nathane, le Shemei, le Rei, le bahlabani ba Davida, ha ba ka ba emela Adonija.

1 Marena 2:35

Morena a bea Benaia, mora Jehojada, molaodi wa makgotla tulong tsa hae; morena a bea le moprista Tsadoke tulong tsa Abiathare.

1 Dikronike 11:22

E mong ke Benaia, mora Jehojada, mora monna wa senatla wa Kabsteele, ya neng a entse diketso tse kgolo. A bolaya tau tse pedi tsa Moabe; hape, ke yena ya neng a theohe, a ya bolaya tau ka lemeneng, e le mohla lehlwa le kgethehang.

1 Dikronike 11:24

Tseo tsa etswa ke Benaia, mora Jehojada, mme a iketsetsa lebitso hara dinatla tseo tse tharo.

1 Dikronike 12:27

Hape, ha tla Jehojada, motsamaisi wa bana ba Aarone, a ena le batho ba kete tse tharo tse nang le makgolo a supileng.

1 Dikronike 15:11

Davida a bitsa Tsadoke le Abiathare, baprista, le Balevi Uriele, Asaia, Joele, Shemaia, Eliele, le Amminadabe,

1 Dikronike 27:5

Molaodi wa lekgotla la boraro la ntwa, ka kgwedi ya boraro, e ne e le Benaia, hlooho, mora Jehojada moprista; hlopheng sa hae o ne a na le batho ba dikete tse mashome a mabedi a metso e mene.

1 Dikronike 6:53

le Tsadoke, mora hae, le Akimaatse, mora hae.

1 Dikronike 6:8

Akitube a tswala Tsadoke, Tsadoke a tswala Akimaatse,

Ezekiele 44:15

Haele baprista ba Balevi, bara ba Tsadoke, ba bolokileng tseo ke di beileng sehalalelong sa ka, ha bana ba Iseraele ba ne ba nkgelohile, bona ba tla atamela pela ka ho etsa tshebeletso ya ka, ba eme pela sefahleho sa ka ho bea mafura le madi pela ka: ho bolela Morena Jehova.