1 Dikronike 11:1 - Sesotho 1909/1961 (SO)

¹ Yaba Baiseraele bohle ba phuthehela ho Davida, Hebrone, ba re: Bona, re masapo a hao le nama ya hao.

BIBELE

¹ Baiseraele bohle ba kgobokanela Heborone, ho Davida, mme ba re: “Bona, re madi a le mang.

1 Dikronike 11:1 ပူးပေါင်းရင်းမြစ်များ

Genese 29:14

Labane a re ho yena: Efela o lesapo la ka le nama ya ka! Jakobo a dula ho yena matsatsi a kgwedi.

2 Samuele 15:10

Empa Absalome a roma manqosa melokong yohle ya Iseraele, a reng. Etlere ha le utlwa modumo wa terompeta, le ke le re: Absalome ke morena Hebrone.

2 Samuele 2:1

Kamora tseo, Davida a botsa Jehova, a re: Na ke tla ya ho o mong wa metse ya Juda na? Jehova a re ho yena: Eya. Davida a re: Ke tla ya ho ofe? Jehova a re: Eya Hebrone.

1 Marena 2:11

Tshiu tseo Davida a kileng a busa Iseraele e bile dilemo tse mashome a mane; a busa Hebrone ka dilemo tse supileng, mme a busa Jerusalema ka dilemo tse mashome a mararo a metso e meraro.

Numere 13:22

Ba kena ka nqa borwa, ba fihla Hebrone, moo ho neng ho ahile bana ba Anake, boAkimane, Sheshai, le Talmai. Hebrone o ne a hahilwe dilemo tse supileng, motse wa Tsoane wa Egepeta, o eso ho be teng.

Baefese 5:30

Hobane re ditho tsa mmele wa hae.

Deuteronoma 17:15

o ipeele morena ya tla kgethwa ke Jehova, Modimo wa hao; motho ya tla bewa morena ke wena, e be e mong wa banabeno; o ke ke wa bea moditjhaba, e leng motho eo e seng ngwaneno.

Baahlodi 9:2

A le keng le bueng le beng ba Sikeme, le re: Haele ho buswa ke batho ba mashome a supileng, bao e leng bohle bana ba Jerubbaale, kapa e le ho buswa ke motho a le mong feela, ho molemo ho lona ke hofe na? Hape, le hopole hobane ke nna masapo a lona le nama ya lona.