1 BaThesalonika 2:11 - Sesotho 1909/1961 (SO)

¹¹ Mme le a tseba hoba re kgothaditse, ra ba ra tshedisa e mong le e mong ho lona, jwaloka ntata motho ha a etsa bana ba hae.

BIBELE

¹¹ Le a tseba hore re ile ra tshwara e mong le e mong wa lona hantle, jwalokaha ntata a tshwara bana ba hae.

Baasraak Sotho NT

¹¹ Jwalokaha le tseba kamoo re ileng ra kgothatsa e mong le e mong wa lona, ra ba ra le tshedisa, jwalokaha ntata a etsa bana ba hae.

Contemporary Southern Sotho Bible 2024

¹¹ Jwalokaha le tseba kamoo re ileng ra kgothatsa e mong le e mong wa lona, ra ba ra le tshedisa, jwalokaha ntata a etsa bana ba hae.

1 BaThesalonika 2:11 ပူးပေါင်းရင်းမြစ်များ

1 Dikronike 28:20

Davida a eketsa a re ho Salomone, mora hae: Iphe matla, mme o tiye, mme o etse. Se tshabe, mme o se ke wa tshoha; hobane Jehova Modimo, Modimo wa ka, o tla nne a be le wena; a ke ke a o tlohela, a ke ke a o furulla, ho be ho phethehe mosebetsi wohle wa tshebeletso ya ntlo ya Jehova.

1 Dikronike 28:9

Haele wena, mora ka Salomone, hlokomela Modimo wa ntatao, mme o o sebeletse ka pelo yohle ya hao le ka moya o o ratang; hobane Jehova o botsisisa dipelo tsohle, mme o lekola merero yohle le mehopolo yohle. Ekare ha o mo batla, o tla fumanwa ke wena; ha o mpa o mo furalla, o tla o lahla ka ho sa feleng.

Dipesaleme 34:11

Tloong, lona bara ba ka, le mmamele; ke tla le ruta ho tshaba Jehova.

Diproverbia 1:10

Mora ka, ekare ha baetsadibe ba rata ho o hoka, o se ke wa ba wa dumela.

Diproverbia 1:15

Mora ka, o se ke wa ya ka tsela ya bona, o fapose leoto la hao mmileng wa bona.

Diproverbia 2:1

Mora wa ka, etlere ha o amohela ditaba tsa ka, mme o ipolokela melao ya me ka ho wena,

Diproverbia 3:1

Mora wa ka, o se ke wa lebala thuto tsa ka, pelo ya hao e ke e boloke dikeletso tsa me;

Diproverbia 6:1

Mora wa ka, ekare ha o itlamile ka molato wa wa heno, mme o neile wa mofuta osele letsoho;

Diproverbia 7:1

Mora wa ka, boloka ditaba tsa ka, o tiise dikeletso tsa ka ka pelong ho wena.

Diproverbia 7:24

Ka baka leo, bana ba ka, mmameleng, le ele dipolelo tsa molomo wa ka hloko.

Numere 27:19

O mmee pela moprista Eleasare le pela phutheho yohle, mme o mo nee ditaelo pontsheng ya bona.

Luka 16:28

hobane ke na le banabeso ba bahlano; a ke a ba kgodise, hore ba tle ba se ke ba tla le bona nqalong ena e bohloko.

Diketso 20:2

Ha a se a qetile naha eo, mme a kgothaditse baena ka dipolelo tse ngata, a ya naheng ya Bagerike.

Baefese 4:17

Jwale, seo ke se bolelang, seo ke se tiisang Moreneng, ke re: Le se hlole le phela jwaloka baditjhaba ba bang, ba yang ka bosawana ba dikelello tsa bona;

Deuteronoma 3:28

O mpe o laele Joshua, o mo kgothatse, o mo natlafatse, hobane ke yena ya tla etella setjhaba sena pele, hape ke yena ya tla ba ruisa lefatshe leo o tlang ho le bona.

Deuteronoma 31:14

Jehova a re ho Moshe: Bona, letsatsi la ho falla ha hao le atametse; bitsa Joshua, mme le itlhahise tenteng ya pokano, ke tle ke mo laele. Moshe le Joshua ba ya, ba itlhahisa tenteng ya pokano.

1 BaThesalonika 2:7

Empa re bile mosa hara lona, jwaloka moanyesi ha a hlokomela bana ba hae ka lerato.

1 BaThesalonika 4:1

Haele ka ho hong, banabeso, re a le rapela, hape re le kgothatsa ka Morena Jesu, hore, jwalokaha le ithutile ho rona kamoo le tshwanetseng ho tsamaya le ho kgahlisa Modimo kateng, le nne le hole teng kamehla.

1 BaThesalonika 4:6

Hape, motho a se ke a hata ngwanabo, leha e le ho mo senyetsa tabeng leha e le nngwe; hobane Morena ke mophethetsi wa ntho tsohle tse jwalo, jwalokaha re se re kile ra le bolella pele ka komelo e tiileng.

1 BaThesalonika 5:11

Ka baka leo, le ke le tshedisane, mme le hahisane, jwalokaha le fela le etsa.

1 BaThesalonika 5:14

Hape, banabeso, re a le rapela, hore le ke le lokise ba sa yeng ka molao, le tshedise ba pelo di tepeletseng, le tiise ba fokolang, mme le be le mamello ho bohle.

2 BaThesalonika 2:5

Ana ha le hopole hobane, enere ha ke sa na le lona, nkile ka le bolella taba tseo na?

2 BaThesalonika 3:12

Ba jwalo re a ba laela, mme re ba kgothatsa ka Morena wa rona Jesu Kreste, hore ba sebetse ba kgutsitse, mme ba je bohobe boo e leng ba bona.

1 Timothea 5:21

Ke o laela pela Modimo le Morena Jesu Kreste, le mangeloi a kgethilweng, hore taba tseo o di ele hloko, mme o se ke wa phaka wa ahlola, leha e le ho ya ka tshobotsi.

1 Timothea 5:7

Le tseo o ba laele tsona, ba tle ba hloke sekodi.

1 Timothea 6:13

Ke o laela pontsheng ya Modimo o phedisang ntho tsohle, le pontsheng ya Jesu Kreste ya pakileng nnete ka boipolelo ba bokgabane pela Ponse Pilato, ke re:

1 Timothea 6:17

Laela ba ruileng tsa mehla ya jwale hore ba se ke ba ikgohomosa, ba se ke ba tshepa moruo o sa tiyang, ba mpe ba tshepe Modimo o phelang, o re fang tsohle ka bongata, re tle re di thabele.

1 Timothea 6:2

Mme ba nang le benghadi ba dumetseng, ba se ke ba ba nyedisa ka hoba e le bana babo bona, empa ba ba sebeletse haholo ke hona, hobane bona bao ba ba etsetsang hantle ke badumedi le baratuwa. Ruta taba tseo, mme o kgothatse ka tsona.

Tite 2:15

Bolela taba tseo, mme o kgothatse, o kgalemele ka matla wohle; ho se ke ha eba motho ya o nyedisang.

Tite 2:6

Banna ba batjha le bona o ba kgothatse, hore ba phele ka kelello.

Tite 2:9

Bolella bahlanka hore ba no utlwa beng ba bona, ba ba kgahlise nthong tsohle, ba se ke ba ba fetola,

BaHebheru 13:22

Ke a le rapela, banabeso, hore le ke le amohele polelo tseo tsa kgothatso; hobane ke le ngoletse hakgutswanyane.

3 Johanne 1:4

Ho nna ha ho thabo e fetisang ena, ya ho utlwa hoba bana ba ka ba tsamaya nneteng.