Taitus 3:15 - Seimat

¹⁵ Nga ma teka kahikahi Jises kapik, amite ukek ngain solian haniwa amuto. Amuam ti amite haniwa tesol kahikahi Jises ti Krit lato waheni amite. Solian ti Haeu kapimuto hatesol.

Taitus 3:15 ပူးပေါင်းရင်းမြစ်များ

Matiu 5:47

Na amuto kakak mewenae kapi teka lawamuto, kalahai lehe Haeu kahui hasolia amuto? Kalak taen laha kum tioi Haeu laha ailele saun tenen ien.

Aposel 20:34

Amuto tioi ka nga hatano moni ti puki minak ma tin nga huhuali teka seilon kapik.

1 Korin 16:23

Nga kamei Jises tel Masiwi ti kolai lalape soliaian hani amuto.

Galasia 5:6

Haeu kum namiloi ukek ka seilon sawisawin na laha usi tetenen saun ti kikilam ti kotiai uli walikoulaha ma na kumahe. Waliko lalap ti Haeu na seilon soh hawane ti Krais ma kola xoxoi namilolaha ien ti saun ti wawahen.

Kolosi 4:18

Tiliai teik pasuk puki tataiak nga Pol. Nameniwa nga tel nga kalabusake ailei puase Krais. Nga lotu kamei Haeu lehe i aile hasolia hawane hani amuto.

1 Timoti 1:2

Timoti, o masin natuk wanen nake o soh hawane kakai Haeu ti nga kaxi ahuti haniwen o. Nga kamei Haeu tel Tamakako ma Jises Krais tel Masiwi ti kako lehe lalu kola lalape soliaialalu hetekie tatahan ma hatona hasolia tiam.

1 Timoti 1:5

Nga hani o tenen puasain ien nake Haeu pahan seilon he wawahenawa ti leili atelaha. Laha pon kolai wawahen tenen ien na namilolaha xewan ti tioiai waliko solian ma lialun hetekie na namilolaha tin xoxoan wanen ti Haeu.

2 Timoti 4:22

Nga kamei Haeu ti aile kolai lalape soliaian hani o. Haeu tel Masiwi kapimuto hatesol.

Hibru 13:25

Solian ti Haeu haniwa amuto hatesol.

3 Jon 1:1

Nga Jon, tel kahikahi Krais pamu salaimat tetam, nga tai teik pas ie hani o Gaius, tel soliai lohuk nga waheni hawane.