Rom Teik pasi Pol hani teka kahikahi Jises Krais ti Rom 9:33 - Seimat

³³ Masin ti pepai Haeu kakawen sale Jises Krais i ukek, “Nga hatuhi tehu kuku pate tuah leili Jerusalem. Tehu kuku ien laha tanga put. Tuahe teka seilon laha soh tetan tap wanen laha po namiloi tahane aliake.” (Isa 8:14, 28:16)

Rom Teik pasi Pol hani teka kahikahi Jises Krais ti Rom 9:33 ပူးပေါင်းရင်းမြစ်များ

Matiu 21:42

Jises hone lato, “Ala amuto tioi teik kakain ie: “ ‘Tehu kuku teka ataiai ing hilisa, Haeu aile ape i sohot kuku tehu pamu tuah ti kuku liai. Haeu aile ape kako amuam hawane.’ (Ps 118:22-23)

Matiu 21:44

Teka seilon laha hong watakai kakaiak, laha tunahi kawatan ma moloan lalap.”

Rom Teik pasi Pol hani teka kahikahi Jises Krais ti Rom 10:1

Tesol akikik ti *Jises Krais, leili tiak i tangitang hawane. Ti xoxoi isiai pahak nga kamei Haeu lehe waxi i awai teka *Ju ti kawatan ti lialui woulaha.

Rom Teik pasi Pol hani teka kahikahi Jises Krais ti Rom 10:11

Masin ti leili pepai Haeu i ukek, “Tel na i soh tetan tap wanen i po hienake.” (Isa 28:16)

Rom Teik pasi Pol hani teka kahikahi Jises Krais ti Rom 5:5

Ape tenen monomon ti kako ien i kum hatahunoso kako nake Haeu waheni hawane kako. Se Holi Spirit ti Haeu haniwen kako i aile kako paxai tioi lalape wawahen ti Haeu.

Galasia 5:11

Tesol akikik ti Krais, teka laha ukek ka nga hone seilon usiai saun ti kikilam ti kotiai uli walikoulaha. Na masin salan, teka Ju tai aile halialu nga tuahe laha aile hahalialu nga nake nga kaxi haxewa salangawe matei Jises Krais he *kros.

Pilipai 1:20

Ti xoxoi namilok nga tohongi eliel hawane nga kum aile waliko tenen i hahiena nga. Pahak wanen nga kaxi matuke tatale puase Krais lehe hatesol waliko nga aile ti nga moihin tutuen i haxawa axan ape kalak na nga mat, sale mateak tin i haxawa axan.

2 Timoti 1:12

Nake ti tenen ien laha axi nga kawatan. Tuahe nga kum hiena puluhini ka nga leili kalabus nake nga tioi tetel namilok xoxoan tetan. Nga tioi hawane ka Haeu ngahati tenen meng solian ti i hani nga kaxi ahutian atengi ngain ti i hiniti hatesol seilon.

1 Jon 2:28

Teka soliai natuk, kako pakata xox hawanewa kapi Jises Krais lehe na i aliama kako kum mamata nake tap tenen na waliko lialun i hahiena kako ti puli Haeu.