Rom Teik pasi Pol hani teka kahikahi Jises Krais ti Rom 8:19 - Seimat

¹⁹ Lawe waliko ti Haeu tanomi, laha mon atetengi ngain tapeinan ti Haeu hamoiha aliake teka natun.

Rom Teik pasi Pol hani teka kahikahi Jises Krais ti Rom 8:19 ပူးပေါင်းရင်းမြစ်များ

Matiu 5:9

Haeu aile hasolia hani teka laha pupuas ti hasoliai wasole seilon. I axai laha natun wanen.

Jon Meng solian ti Jises tataiai Jon 1:12

A teka laha tani waxi i ape laha soh tetan, i huali laha sohot nati Haeu.

Aposel 3:21

Aope ie i tutuen *tone Haeu atetengi taun ti Haeu aile hauni hasolia lawe waliko masin ti Haeu hanamiloa kakain hani teka kuluiai kakaian ti kuewen. Lawe laha puas hahawane ti Haeu.

Rom Teik pasi Pol hani teka kahikahi Jises Krais ti Rom 8:14

I sohot ukek ien nake teteka laha hani Holi Spirit kapiti laha, laha se nati Haeu.

Rom Teik pasi Pol hani teka kahikahi Jises Krais ti Rom 8:16

Ape puki Holi Spirit haxoxo namilokako ka salan kako nati Haeu.

Rom Teik pasi Pol hani teka kahikahi Jises Krais ti Rom 8:18

Nga soh hawane ka kawatan ti i tutunahi kako aope ie, i kum xohima wanen kapi kilai waliko solian ti kako uke ti Haeu imuh.

Rom Teik pasi Pol hani teka kahikahi Jises Krais ti Rom 8:23

Tin hetekie taen kako, kalak Holi Spirit tel i pupuas leilokako i aile kako ilameni tioi ka kilan waliko solian ti na i luluainima imuh, tin kako ahatake moloan ma kawatan ti i tutunahi kako. Tuahe kako mon atetengi taen kako uke hatapo lawe waliko solian ti Haeu nake kako natun. Taun tehu ien i hani kako tupuakako haun masin ti i kakawen.

Rom Teik pasi Pol hani teka kahikahi Jises Krais ti Rom 9:26

Tin i tai kakaxi, “Ti imat Haeu kakawen ka laha kumahe seilon tetan. Tuahe aope ie Haeu ukek, ‘Nga tel pate pohen nga paxai tioi ka laha se natuk.’ ” (Hos 1:10)

1 Korin 1:7

Aile ape *Holi Spirit ti Haeu hapono hani amuto tenen ti na amuto tae, haliwei ti amuto mon atetengi aliai Jises Krais tel Masiwi ti kako.

1 Korin 1:8

Pake Jises hahakui amuto atengi mateamuto lehe ti na i aliama, tap tel i po tieni amuto ti tenen.

2 Korin 6:18

Tin Haeu kakane lato ukek, “Nga natuwi hani amuto ape amuto tamawi hanima nga. Amuto hatesol teka kahikahik se natuk wanen. Ie se kakaiak tel Masiwi pohen tapein.” (2 Sam 7:14)

Galasia 3:26

Aile ape ti xoxoi namilomuto ti Jises Krais amuto hatesol sohot nati Haeu.

Pilipai 1:20

Ti xoxoi namilok nga tohongi eliel hawane nga kum aile waliko tenen i hahiena nga. Pahak wanen nga kaxi matuke tatale puase Krais lehe hatesol waliko nga aile ti nga moihin tutuen i haxawa axan ape kalak na nga mat, sale mateak tin i haxawa axan.

Kolosi 3:4

Tuahe taen ti Krais aliama, tetel haniamuto tonain tuah kapi Haeu, taen ien lawe seilon ningahi ka amuto se seilon tuah wanen tetan.

Hibru 12:27

Teik kakain ien salangawan masin, hatesol waliko ti Haeu tanomi, i nuei xaxaweni tenen ti i kum to kue. I hamalumini mewenae waliko tenen i to lian tehue.

1 Pita 1:13

Aile ape awaiwa namilomuto lehe i kum kapiti halialu nanahiamuto. Haxoxoa namilomuto ukei lawe waliko solian ti Haeu hani amuto ukean taen ti Jises Krais aliama.

1 Pita 1:7

Tesol kawatan ien i kola na namilokako xoxoan ti Haeu ma na kumahe, masin ti laha lui gol he ah ti haunian lehe i kola ka i se gol wanen. Gol pon i lialu tuahe namilokako ti Haeu i xox tatale na kako waxaini tesol totohong ma kawatan ien. Na i sohot ukek ien, Haeu namiloi ukek kako seilon tuah ma i sameni kako taen ti Jises Krais aliama.

1 Jon 3:1

Namiloi paxaiwa lalape wawahen ti Haeu. Ti wawahen tetan i axai kako natun. Ape salan kako se natun. Teka seilon kumahe ti Haeu, laha kum ukek ka kako natun nake laha kum paxai tioi i.

1 Jon 3:2

Teka soliai akikik ti *Krais, kako tioi ka aope ie kako nati Haeu tuahe kako kum xeu kako sohot seilon tetenen taun ti *Jises Krais aliama. Taen aliaian ien kako tioi hawane Jises Krais ape kako sohot hanowi i.

Hahatakei Haeu 21:7

Tesol soliai waliko ien ukean teka laha waxaini saliniai totohong ma saun lialun. Teteka seilon ien, nga ngahati hahawane ape laha sohot natuk wanen.