Rom Teik pasi Pol hani teka kahikahi Jises Krais ti Rom 16:20 - Seimat

²⁰ Soh hawanewa ka Haeu, tetel i hatona hasolia tiakako ma wasolakako tel tel, i halialu tamusuke koseni pohe *Satan tetel lawe i pupuas ti halialui wasolamuto. Nga kamei Haeu lehe Jises tel Masiwi ti kako aile kola lalape soliaian hani amuto.

Rom Teik pasi Pol hani teka kahikahi Jises Krais ti Rom 16:20 ပူးပေါင်းရင်းမြစ်များ

Matiu 4:10

Jises kak pahoi i, “Nahih xaxaua Satan! Teik pepai Haeu i kak ukek, “ ‘Lotuiwa mewenae Haeu tel Masiwi ma ailewa mewenae puasan.’ ” (Deut 6:13)

Luk Meng solian ti Jises tataiai Luk 10:19

Nga axiwen amuto pohe Haeu. Aile ape kalak amuto tuhi tunahi noh ma na mini anepapap, i kum hamange amuto. Tin masin amuto xoini pohe Satan ape tap tenen i pon konginiai hatesol waliko Haeu namiloi peleiwen hani amuto.

Rom Teik pasi Pol hani teka kahikahi Jises Krais ti Rom 15:33

Nga kamei Haeu, tetel hatona hasoliai tiai seilon, akatiamuto hatesol. *Salan wanen.

Rom Teik pasi Pol hani teka kahikahi Jises Krais ti Rom 16:23

Gaius tin i hakau amuam tetan haniwa amuto. I tel nga toto leili ingan, ing tetehu lawe teka kahikahi Krais apuha. Erastus tel auniai moni ti tehu taon ie, ma Kuortus tel akikikako ti Krais, tin lalu hakau amuam haniwa amuto.

Rom Teik pasi Pol hani teka kahikahi Jises Krais ti Rom 16:24

Nga kamei Jises Krais tel Masiwi ti kako lehe i aile hasolia tatale hani amuto hatesol.

Rom Teik pasi Pol hani teka kahikahi Jises Krais ti Rom 8:37

Tuahe kalak kako to ilalameni kawatan tenen tenen, kako waxaini hahamahuli nake Krais tel i waheni kako, i hahakui kako.

1 Korin 16:23

Nga kamei Jises tel Masiwi ti kolai lalape soliaian hani amuto.

2 Korin 13:14

Wawahen ti Haeu ma lalape soliai Jises Krais tel Masiwi kapimuto hatesol. Nga lotu kakamea lehe *Holi Spirit huali amuto ti pakata hani kapin ma puki alia tel tel ti amuto.

Galasia 6:18

Tesol akikik ti Krais, nga kamei Jises Krais tel Masiwi ti kako ti aile hasolia hawane haniamuto. *Salan wanen.

Pilipai 4:23

Ti tiliai kakaiak nga kamei tel Masiwi Jises Krais ti aile hasolia hawane haniamuto hatesol.

1 Tesalonika 5:28

Amite kamei Jises tel Masiwi ti kako ti aile hasolia hawane haniamuto hatesol.

2 Tesalonika 3:18

Nga kamei Jises Krais tel Masiwi ti kako ti aile hasolia hawane haniamuto hatesol.

2 Timoti 4:22

Nga kamei Haeu ti aile kolai lalape soliaian hani o. Haeu tel Masiwi kapimuto hatesol.

Pilemon 1:25

Nga kamei tel Masiwi Jises Krais ti aile hasolia hawane haniamuto hatesol.

1 Jon 3:8

Seilon tetel na i to aile tatale saun lialun, tel seilon ien se nati *Satan, tetel i aile saun lialun lilian ti i tahiwa Haeu. Tuahe Haeu talo Jises Krais hani tehu pon itan ie ti halialu tamusukei pupuase Satan.

Hahatakei Haeu 12:10

Muhin nga hong tenen kinax lalap ti tone Haeu ukek, “Taun ape i tahiawen ti Haeu awai seilon ti lawe waliko lialun. I kola lalape pohen ma soliai nenein tetan. Ape *Krais, tetel i taloma, i tel Masiwi ti lawe waliko. Satan ape laha towi ahutiwen ti tone Haeu. I tel kemuk i tutu mate Haeu suluiai teka kahikahi Krais lawe ngain ma ipong.

Hahatakei Haeu 22:21

Lalape soliai Jises tel Masiwi haniwa amuto teka seilon ti Haeu. *Salan wanen.