Rom Teik pasi Pol hani teka kahikahi Jises Krais ti Rom 11:25 - Seimat

²⁵ Teka akikik ti *Krais, pahak amuto xeu aluawa waliko ti Haeu kola hatakeiwen sale teka Ju lehe tap amuto namiloi ka amuto pamu tuah ti laha. Ti ailai patulaha laha kum soh ti Jises Krais tuahe i kum hamalum ukek ien. Laha kum soh atengi tataen hatesol teteka kumahe Ju Haeu kilamiwen tetan laha sohoa ti Jises Krais.

Rom Teik pasi Pol hani teka kahikahi Jises Krais ti Rom 11:25 ပူးပေါင်းရင်းမြစ်များ

Matiu 13:11

Jises pahoi ukek, “Haeu haxewa hani amuto sale nenein tetan tuahe kumahe laha.

Luk Meng solian ti Jises tataiai Luk 21:24

Teka seilon ti hile ti xux liai laha telei kilan teka *Ju ape kilan laha kalabusi hani xuxulaha. Laha aile halialu tatale teka seilon ti Israel atengi tataen tehu ngain Haeu kikilami.”

Jon Meng solian ti Jises tataiai Jon 10:16

Hina sipsip laha kumahe kapik tuahe laha tin tetak. Ape namilok xoxoan wanen ti hukumini hatapoalaha, lehe hatesol sipsip tetak hong usi kakaiak. Ape ngain ti i luluainima, laha hatesol hukuma hetekie hahitake ngahat telawe.

Rom Teik pasi Pol hani teka kahikahi Jises Krais ti Rom 1:13

Teka akikik ti *Krais, pahak amuto tioi kewak, nga tohongi hakilawen lehe nga lua paxai amuto tuahe hina waliko lawe i kongini nga hanima tataen. Sohotuak hani kapimuto lehe pupuasak wasolamuto i kau anan masin ti i sohotuen leili teka kumahe Ju liai ti nga kapi laha.

Rom Teik pasi Pol hani teka kahikahi Jises Krais ti Rom 11:12

Ti teka Ju tale tehitolaha hani Jises Krais, Haeu aile hasolia hani teka kumahe Ju, ti i hei hani laha aweisal ti awaialaha ti kawatan ti saun lialun. Na masin ien, i lap ahewa solian ti i aile hani seilon ti tehu pon ie, na teka Ju hana hatapo namil xoxoan hani Jises Krais.

Rom Teik pasi Pol hani teka kahikahi Jises Krais ti Rom 11:24

Amuto teka kumahe Ju, kemuk amuto seselaia ti Haeu tuahe aope Haeu waxi amuke amuto masin ngaxe tea pata ti puki xexean laha koti waxi ape pakateni hani tea pata ani sein. Waliko tenen ien seilon koi ailele. Na masin ien, kaie amuto kum ukek ka pamu Haeu waxi amuke teka Ju laha towiahu alia hani kapin? Ien masin ka Haeu pakateni aliake ngaxe pata ti hoi liai i ngaxoima he tea pata ani sein.

Rom Teik pasi Pol hani teka kahikahi Jises Krais ti Rom 12:16

Namilomuto elieliwa ka seilon liai uke waliko solian masin ti na pahamuto ukean. Kum halepelep ukei totoan tenen tuah lehe seilon haxawa axamuto. Amuto kewa hean ti hukuma hani teteka ti seilon liai paxai teheni ma ti ailei puasain tenen seilon paxai wasi. Kum hahanasake ka anesoamuto pate lalap.

Rom Teik pasi Pol hani teka kahikahi Jises Krais ti Rom 16:25

Haeu i pon hakuiai xoxoi namilomuto tetan, usiwa *meng solian ti Jises Krais ti nga kakaxi, tetenen ti Haeu po hahatakewa aope.

Rom Teik pasi Pol hani teka kahikahi Jises Krais ti Rom 9:18

Ape kako paxaiwen ka Haeu aile kola soliaian hani teka ti na pahan i kola ma i aile hailaia pati teka ti na pahan i hailaia, seilon tetenen masin Fero.

1 Korin 10:1

Tesol akikik ti *Krais, pahak amuto nameni kapitiniwa lokon ti teka matahaun ti kako nahih kakahiti *Moses. Haeu uke teik maun ti neiniai aweisalulato. Ape i aile lato pon nahih kotiai tesol kanitax axan Kakan hani liai tepaun.

1 Korin 12:1

Tesol akikik ti *Krais, ie ape nga kaxi hani amuto sale ti Holi Spirit hapohea kako ti ailei waliko tenen tenen. Pahak amuto xeu hawanewa.

1 Korin 2:7

Amite kakaxi waliko ti Haeu namiloiwen i aile hani kaha ti lalape anesoan. Waliko ien, ti imat i tai hatakei hani teka seilon. Tuahe imat ti i tanomi lawe waliko, hoi i namiloiwen ka lalap solian kaha uke ti anesoan.

1 Korin 4:1

Aile ape seilon namiloi kewak ka amite tesol *aposel amite unaui *Jises Krais. Haeu hana amite kaxi haxewai waliko ti imat i tai hatakei hani teka seilon.

Epesus 1:9

Haeu hapuasa Krais ailei waliko ti i pahan. Ape i kola hatakei hani kako namilon ti teka seilon kum tioi ti imat.

Epesus 3:9

Haeu kilamiwen nga ti nexi haxewai namilon ti sale puase Krais hani lawe seilon. Ti imat, lilian ti Haeu tanomi lawe waliko, i tai kola hahatakei tenen namilon ien hani laha.

Epesus 4:18

Ti lialui woulaha laha kum xeu waliko tenen salan ma laha pate xauxaun ti Haeu. Patulaha pate ailan ti ukei kakain tenen sawisawin, aile ape laha kum tioi aweisali Haeu.

2 Pita 3:8

Tuahe amuto, teka soliai akikik ti Krais, amuto kum mamaluhe ka Haeu tel Masiwi i kum namiloi welui taun hanowi ti kaha seilon. Ti Haeu, ngain tehu masin 1,000 ahang, a 1,000 ahang masin ngain tehu.

Hahatakei Haeu 1:20

Tesol tepanim huohu tutuhi lul ani gol o ningahiwen, i kikilami teka kahikahi Krais leili tepanim huohu taon ape tesol tepanim huohu kohot he tepaun minak manau i kikilami tesol *engel lato ngangahati teka kahikahi Krais ien.”

Hahatakei Haeu 10:7

Taen ti na tel engel tapeinan kuiniwa tehu suhusuhaun, hatesol waliko ti Haeu tai hatakei hani seilon ape i sohot poponowi masin ti i kakanewen teka unauan ti kuluiai kakaian.”

Hahatakei Haeu 11:15

Ti tel *engel tapeinan kuiniwa tehu suhusuhaun, kilan kinax tiloma tesol tone Haeu, laha ukek, “Haeu tel Masiwi ti kaha ma *Krais tetel i taloma, lalu sohot Masiwi tapein ti tehu pon ie ape lalu neini lawe seilon lian tehue.”

Hahatakei Haeu 7:9

Muhin nga ningahi teka kilai seilon mongohualaha kaha kum pon wexean. Laha ti lawe xux, nenex tehu tehu ma kakaialaha tenen tenen. Laha tutu mateiwai tetel Masiwi i toto he tehu totoan tuah ma totok *sipsip uluha kapin. Puxuaulaha papaxaxun a weluwelun ma laha akekeni kai hatoh.