Rom Teik pasi Pol hani teka kahikahi Jises Krais ti Rom 1:24 - Seimat

²⁴ Aile ape Haeu hani lioi laha usi isiai pahalaha ti ailei waliko tenen i haloloa leilolaha. Ape laha teheni hahalialu tupualaha nake ti ailei saun lialun ti wawan hehin.

Rom Teik pasi Pol hani teka kahikahi Jises Krais ti Rom 1:24 ပူးပေါင်းရင်းမြစ်များ

Matiu 15:14

Aile ape maluhewa lato! Lato masin seilon tenen pulaxa neiniai teka pulaxa. Na masin tel pulaxa neini tel pulaxa liai, ati lalu put hani leili wal.”

Aposel 14:16

Ti imat, Haeu hani lioi teka kumahe Ju aile usi waliko ti pahalaha.

Aposel 7:42

Aile ape Haeu hani lioi lato lotui hatapo waliko ti he maun aheah. I hapoponowi waliko ti Haeu kaxiwen leili pepai teka kuluiai kakaian. I ukek, “ ‘Teka seilon ti Israel, ti amuto he lohong leili 40 ahang, salan amuto telei ma lelei manihuh tuahe kumahe amuto aile hahani nga.

Rom Teik pasi Pol hani teka kahikahi Jises Krais ti Rom 6:12

Amuto kum hahani saun lialun kapiti amuto. Kum hohongeni lialui isiaiamuto.

1 Korin 6:13

Teka ti amuto sokok tap lialun na kaha aile tenen tenen hani tupuakaha. Nga kak ukek nake teka ti amuto sokok, “An tuahe hualiai tupuakaha ape tupuakaha i lawe pahan an.” Salan, tuahe imuh Haeu hatapo hahuonen. Amuto kum kak ukekek ka tap tenen na kaha hapuasa tupuakaha ti ailei saun lialun ti sikisiki. Kumahe wanen salan. Haeu tel Masiwi tanomi tupuakaha tetan. I hani ailei waliko ti pahan. I halepelep hawane ti tupuakaha.

1 Korin 6:18

Kum ailele wanen saun lialun ti sikisiki. Tap waliko lialun liai ti amuto aile i halialu tupuamuto hanowi ti tenen saun ien. Tel na i aile saun lialun ti sikisiki, i aile halialu aliliake tupuan.

Epesus 2:3

Ti imat kako hatesol masin ien. Kako ailele waliko tenen ti tupuakako pahan. Kako usiusi lialui namilokako ma isiai pahakako ti ailei saun lialun. Ala i pon hawane kako uke kawatan ti lengei Haeu.

1 Tesalonika 4:4

Tel tel haelieliwa tahiai isiai namilon ti ailei saun lialun. Amuto kewa unaui Haeu wanen lehe i namiloi ukek woumuto pate sawisawin ape teka seilon hong waxi amuto.