Pilipai 2:10 - Seimat

¹⁰ Haeu aile ukek ien lehe teka patul he tonan, teka ti itan ie ma teka maten laha hatesol lokuha hani Jises Krais ti samenian.

Pilipai 2:10 ပူးပေါင်းရင်းမြစ်များ

Matiu 12:40

Masin ti Jona to ngain toluhu leili tiai tok xixi lalap, nga tel Nati Seilon, nga tin ngain toluhu leili amal.

Matiu 27:29

Lato alingini ngaxe au ape nihini hana hani he patun. Lato waxi teik pata ape hana hani he tepaun minan manau aile hanowi i tel masiwi. Lato lokuha hanowi ka lato lotui i. Lato ukek, “Tel masiwi tapein ti teka Ju tap tahi mateam!”

Matiu 28:18

Jises xohi hani kapi lato ape i hone lato ukek, “Haeu hanawen nga Masiwi ti lawe waliko ti patul ma tehu pon ie.

Rom Teik pasi Pol hani teka kahikahi Jises Krais ti Rom 11:4

Amuto nameni waliko ti Haeu kakane i. Haeu kak pahoi ukek, “Kumahe mewenae o tutuham xoxoan tutuen tetak. 7,000 seilon tutuen laha tai lolotui *Baal tetel kumahe Haeu wanen.” (1 Kgs 19:18)

Epesus 1:10

Tenen namil ien, Haeu aile hapoponowi tataen ti i hukumini hetekie hatesol waliko ti patul ma itan ie hani hahitake Krais tel neinialaha.

Epesus 3:14

Nake ti tesol waliko ien nga lokuha lotu hani tel Tamakako Haeu.

Epesus 4:9

Namiloi paxaiwa teik kakain ti i ukek, “I lua hani tesol ti patul wanen.” Ien i kola ka imat Krais mos hanimu tesol pate itan ti tehu pon ie.

Hibru 1:6

Lokon ti Haeu taloma tel Natun pate tuah hani tehu pon ie i ukek, “Hatesol engel tetak haxawawa axan.” (Deut 32:43)

Hahatakei Haeu 20:13

Hatesol seilon ti laha matewen, laha tu hahitake hinitian ti Haeu, teteka laha mat ti itax, teka ti leili amal ma teteka ti tesol Hades, tetesol tone teka maten. Tel tel ti laha Haeu paxai kolongeni woulaha ape axi kahulaha usiwa waliko ti laha ailewen.

Hahatakei Haeu 5:3

Tuahe tap tel seilon ti *tone Haeu, tehu pon ie ma na hahitakan i tapai heiai teik pepa tuah ien ma paxaian.