Mak Meng solian ti Jises tataiai Mak 5:13 - Seimat

¹³ Jises sowini hani lato. Tesol spirit lialun ahuta ti leili tel seilon ape lato soh hani leili tesol pou. Mongohe tesol pou 2,000. Lato kiliwau hanahi hani he sahikek, lato put hani itax ape lato waut mat.

Mak Meng solian ti Jises tataiai Mak 5:13 ပူးပေါင်းရင်းမြစ်များ

Matiu 7:6

“Kum kaxi hahanau kakai Haeu hani teka laha watakai hawane i. Laha aile hanowi ti sinen ma pou. Na amuto towi hani lato waliko tenen tuah, lato tuhi pexi halialu ape lato towiahu atalahi amuto. Tin masin teka laha watakai hawane Haeu, laha hil pahoi aliake amuto ape laha kak halialu kakai Haeu.

Matiu 8:32

Salan, Jises hone lato, “Amuto nahiwa!” Ape lato ahuta soh hani leili tesol pou. Hatesol pou ien kiliwau mosua ti he sahikekean tamus hani itax ape lato waut mat.

Mak Meng solian ti Jises tataiai Mak 5:12

Tesol spirit lialun kamei eliel Jises, “Talo haniwa amite leili tesol pou!”

Mak Meng solian ti Jises tataiai Mak 5:14

Tesol ngahatiai pou kiliwau kaxi hani teka seilon leili taon ma tesol tesol. Ti teka seilon hongoa, laha nahih paxai waliko ti i sosohot.

Jon Meng solian ti Jises tataiai Jon 8:44

Ien se nake amuto nati tel tamamuto Satan ma pahamuto wanen puas usiai namilon. Ti pate uli hutuan, i tel halialu tamusukei seilon ma i kum xeisa waxi waliko tenen salan nake tap wanen i kakak waliko tenen salan. Ti i kak puputa, i aile ti puki saun tetan nake i weli puputa ma i se tel tame puputa.

1 Pita 3:22

Jises Krais i ape *tone Haeu, i toto sai tepaun minan manau. Haeu hana i Masiwi ti teka *engel spirit solian ma lawe *spirit lialun.

Hahatakei Haeu 20:7

Ti 1,000 ahang tamusua, tel engel oxoxi Satan ti tewau wal pate walawalan.

Hahatakei Haeu 9:11

Tel masiwi neinialaha i tetel engel ngahatiai tewau wal walawalan wanen. Ti kakai *Hibru axan Abadon ma ti kakai *Grik axan Apolion. Salangawe tenen ax ien i ukek, “Tetel halialui waliko.”