Mak Meng solian ti Jises tataiai Mak 13:13 - Seimat

¹³ Kilan seilon watakai hawane amuto nake amuto kahikahik. Tuahe na amuto tu matuha atengi tataen kawatan tapo, Haeu waxi auni amuto lian tehue.

Mak Meng solian ti Jises tataiai Mak 13:13 ပူးပေါင်းရင်းမြစ်များ

Matiu 10:22

Kilan wanen seilon laha watakai hawane amuto nake huak, tuahe na amuto tu xox kahikahik atengi amuto mat, Haeu waxi auni amuto lian tehue.

Matiu 24:13

Tuahe teka na laha tu matuha kahikahik atengi taun ti kawatan tapo, Haeu waxi auni laha lian tehue.

Matiu 24:9

“Tataen ien amuto laha pohi. Laha aile lehe amuto kau moloan ma laha telei amuto. Kilan seilon ti lawe xux laha watakai hawane amuto nake amuto kahikahik.

Mak Meng solian ti Jises tataiai Mak 13:12

“Taun tehu ien kumahe solian. Hahutalin, tel i hangaini tel hani laha telei. Tin masin hahutaman, tel taman i hangaini tel natun hani laha telei. Teka akaik hangaini tamalaha ma tinalaha hani seilon telei.

Luk Meng solian ti Jises tataiai Luk 21:17

Tesol tesol kilan seilon laha watakai amuto nake amuto kahikahik.

Luk Meng solian ti Jises tataiai Luk 6:22

Haeu aile hasolia hani teteka seilon teka liai watakai hawane, kak saxuti laha ma hana laha kaliap nake laha kahikahik wanen.

Jon Meng solian ti Jises tataiai Jon 15:21

Laha aile halialu amuto nake amuto kahikahik a laha kum tioi tetel i taloma nga.

Jon Meng solian ti Jises tataiai Jon 17:14

Nga kakanewen lato kakaiam ape teka seilon laha kumahe tetam laha watakai hawane lato nake lato ape kumahe tuaulaha. Nga tin kumahe tuaulaha.

Rom Teik pasi Pol hani teka kahikahi Jises Krais ti Rom 2:7

Seilon teka, laha kum lioi wanen ailei waliko tenen solian. Ien i kola ka tuah wanen ti laha na Haeu sameni amuke laha ma hani laha hanawain ti tap tahi tapoan. Seilon teteka ien, Haeu hani laha to kapin lian tehue.

Galasia 6:9

Kako kum nuunuxa ti ailei saun solian. Na kako kum aile lioi, Haeu kahui hasolia kako tetehu taun ti i kilamiwen.

Hibru 10:39

A kako kumahe masin teteka laha tale tehitolaha hani Haeu. Teka seilon ien laha kane tesol ti kaui kawatan ti tap tahi tapoan. Kako teteka namilokako xoxoan ti Haeu, kako kane tesol tonain kapi Haeu ti tap tahi tapoan.

Hibru 3:14

Na namilokako xoxoan ti Haeu hani tataen kako mat hanowi ti uli kako sohotua seilon tetan, kako uke tuai Krais lawe waliko.

Jeims 1:12

Amuamua na amuto angiamat ti kaui kawatan ma totohong nake i kola hani Haeu ka namilomuto xoxoan tetan. Ape Haeu hatona amuto kapin lian tehue. Ien se kahi teka laha waheni i.

1 Jon 3:13

Teka akikik ti Krais, ala kako kum tataxini na seilon watakai kako.

Hahatakei Haeu 2:10

Kum maamata tesol kawatan lehe ape i tunahi amuto. Hongoa! Satan hanamiloa teka seilon ti kalabusiamuto ti tohongiai xoxoi namilomuto tetak. Amuto kau kawatan ien ti teik taun kukunun. Amuto tu xox tatalewa tetak kalak na laha telei amuto. Ape nga hani kahumuto tonain tuah kapi Haeu ti tap tahi tapoan.

Hahatakei Haeu 3:10

“Masin ti nga honewen amuto, saka amuto tu xox tatale tetak kalak kumahe malimun ti usian. Aile ape nga awai amuto ti tehu kawatan i luluainima ti lehe Haeu tohongi paxai woi lawe seilon.