Mak Meng solian ti Jises tataiai Mak 13:10 - Seimat

¹⁰ Ape imat ti tapoi tehu pon ie, teka kahikahik kaxi ahutimu *meng solian ti Haeu hani seilon ti lawe xux.

Mak Meng solian ti Jises tataiai Mak 13:10 ပူးပေါင်းရင်းမြစ်များ

Matiu 12:41

Telao ngain ti Haeu hiniti seilon, Haeu namiloi ukek teka seilon ti Niniva pamu sawisawin ti amuto nake laha towiahu ti saun lialun hani Haeu ti Jona kaxi ahutiwa kakai Haeu hani laha. Tuahe amuto kum towiahu ti lialui woumuto kalak nga kaxi ahuhuti kakai Haeu hani amuto. Nga kakane hawane amuto, nga pamu tuah ti Jona.

Matiu 24:14

Ape teka kahikahik kaxi ahuti meng solian ti Haeu neini seilon hani hatesol xux. Taen ien tehu pon ie i tapo.

Mak Meng solian ti Jises tataiai Mak 16:15

Jises kakane tesol kahikahin ukek, “Lua tapaiwa lawe xux ti itan ie ape kaxi sawateniwa *meng solian ti Haeu haniwa lawe seilon.

Rom Teik pasi Pol hani teka kahikahi Jises Krais ti Rom 1:8

Hutuiai kakaiak nga kak kemulik hani Haeu tel Masiwi ti kako ti lawe waliko Jises Krais aile haniwen amuto. Nga kak kemulik nake ti tesol tesol seilon kakaxi sale xoxoi namilomuto ti Jises Krais.

Rom Teik pasi Pol hani teka kahikahi Jises Krais ti Rom 10:18

A teka Ju? Nakon laha tai hong menge Haeu? Hoi liai laha hongoen. Ti kuewen wanen *David tel masiwi kaxi ukek, “Waliko ti i kola sale Haeu i mei haniwen seilon ti tesol tesol he tehu pon ie.” (Ps 19:4)

Rom Teik pasi Pol hani teka kahikahi Jises Krais ti Rom 15:19

Nga itini waxaini laha ti kilan kolakol lalap nga aile ti pohe Holi Spirit. Ti nga aile pupuasak ien, nga lua hani kilan taon hutui Jerusalem hani tataen texux xux Ilirikum. Ti ien, nga kaxi hatapoen meng solian ti Jises Krais.

Kolosi 1:23

I sohot ukek ien na amuto soh tatale ti Jises Krais. Aile ape tu xox hawanewa, kum hahani laha hakapaxea amuto waliko ti amuto to monomon atengian nake Haeu kakawen leili meng solian ti Jises ka i hani amuto. Tenen meng ien hoi amuto hongoen ape i sawat hahani lawe xux. A nga Pol Haeu kilami ti kaxi ahutian.

Kolosi 1:6

Tenen meng solian ien, kilan seilon ti tesol tesol laha soh ape laha aile usi saun ti Haeu pahan masin ti i sosohot wasolamuto lilian ti uli amuto hongoa kakaian. Amuto xeu ka salan wanen Haeu awai kako nake ti lalape soliaian.

Hahatakei Haeu 14:6

Imuh nga ningahi tel engel liai ngongong patul he maun. I kaxi ahuhuti *meng solian ti Haeu tenen tap tahi sohiaian hani teka seilon ti lawe xux ma nenex, kakaialaha tenen tenen ti tehu pon ie.