Mak Meng solian ti Jises tataiai Mak 12:37 - Seimat

³⁷ Paxaiwa, puki David axai Krais Masiwi tetan. Na masin ien, i kumahe tuahe kahi natun.” Teka laha hongohong kakai Jises pate laha hong amuke.

Mak Meng solian ti Jises tataiai Mak 12:37 ပူးပေါင်းရင်းမြစ်များ

Matiu 1:23

“Tel hehin tenen i tai eng akakati tel na wawan i pet akaik ape i hatakaha tel akaik wawan, laha axai axan Imanuel. Tenen kakain Imanuel i ukek, ‘Haeu kapi kaha.’ ” (Isa 7:14; 8:8,10)

Matiu 11:25

Ape Jises lotu hani Haeu ukek, “Tel Tamak Haeu, Masiwi ti lawe waliko ti patul ma tehu pon itan ie, nga kak kemulik hani o nake o mumuneni sale pohem ti teka laha sokok laha seilon aneso ape o haxewa hani teka seilon laha hana aliake laha hahitake ngahat tetam masin teka akaik.

Matiu 11:5

Teka pulaxa, laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha, laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong meng solian ti Haeu.

Matiu 21:45

Teka masiwi tuah ti hukuminiai Haeu ma seilon, ma teka *Parisi ti lato hongoa kakai Jises, lato tioi i kak nanami lato.

Matiu 21:46

Lato upiup tewau aweisal ti xotian tuahe lato mamata nake kilan seilon ukek Jises se tel kuluiai kakai Haeu.

Luk Meng solian ti Jises tataiai Luk 19:48

Tuahe laha kum pon nake kilan seilon kapi Jises laha hong mamataini kakaian.

Luk Meng solian ti Jises tataiai Luk 21:38

Lawe letu teka seilon nahih hani Ingi Haeu ti hongoi kakaian.

Jon Meng solian ti Jises tataiai Jon 12:9

Kilan seilon hong ka Jises Betani ape laha nahih kewak ien. Tin pahalaha paxaiai Lasarus, tetel Jises hamoiha aliake ti matean.

Rom Teik pasi Pol hani teka kahikahi Jises Krais ti Rom 9:5

Abraham, Aisak ma Jekob lato se teka matahaun ti laha a Krais i tin tel Ju ti i sohot seilon hanowi kaha. I se Haeu, Masiwi ti lawe waliko. Hoi liai kaha haxawa hawanewa axan lian tehue. *Salan wanen.

1 Timoti 3:16

Lawe waliko ti Haeu hatakei hani seilon sale Jises Krais se pate tuah ma salan wanen. Masin ti tenen pak i ukek, Jises Krais i sohot seilon wanen. *Holi Spirit kola hani kaha ka i tel Nati Haeu. Teka *engel ningahi i muhin ti Haeu xahateniwa i ti matean. Ti Haeu waxi i hani tonan, i kola lalape pohen ma soliaian. Teka kahikahi Krais kaxi sasawateni mengon hani teka seilon ti tesol tesol ape kilan ti laha soh tetan.

Jeims 2:5

Teka akikik ti Krais, hong matainiwa! Teteka seilon tap soxi teka liai paxai wasi laha, Haeu kilami laha lehe namilolaha xox tetan. Teka seilon ien Haeu neneini laha masin ti i kakanewen teka laha waheni i.

Hahatakei Haeu 22:16

Ape Jises kak ulea ukek, “Nga talo tel engel hahitake axak kaxi ahutiai tesol waliko leili teik pepa ie lehe hatesol kahikahik laha tioi hawane. Nga kahi nati *David tel Masiwi, nga nakuama tetan. Nga masin tehu kohot towisaian pate xewan.”