Mak Meng solian ti Jises tataiai Mak 10:43 - Seimat

⁴³ Tuahe kumahe pahak i sohot ukek ien leilomuto. Na tel ti amuto pahan ax lalap, i kola hawanewa ka i tel ti hualiai seilon.

Mak Meng solian ti Jises tataiai Mak 10:43 ပူးပေါင်းရင်းမြစ်များ

Mak Meng solian ti Jises tataiai Mak 10:42

Jises apuhini lato hatesol ape i ukek, “Amuto tioi ka kewi teka masiwi ti he tehu pon ie lato neini halialu teka seilon hahitakalato ape lato lungei laha ka tua hongoa lato.

Mak Meng solian ti Jises tataiai Mak 10:44

Tin masin na tel ti amuto pahan i sohot seilon tuah, i kewa unauamuto hatesol.

Mak Meng solian ti Jises tataiai Mak 9:35

Jises to ape i kakane huopanim huhua kahikahin ukek, “Na pahamuto amuto to masiwi, teheniwa amuto ape hualiwa seilon liai.”

Luk Meng solian ti Jises tataiai Luk 14:11

Nga kaxi hahani amuto waliko ie nake Haeu teheni teka seilon ti hanasanas ape teka laha teheni laha, Haeu aile laha seilon tuah.”

Luk Meng solian ti Jises tataiai Luk 18:14

Ape Jises tili kakaian ukek, “Nga kakane hawane amuto, muhi lotu ti lalu, tel seilon waxiai moni Haeu namiloi ukek i seilon sawisawin, kumahe tel Parisi. Na tel sameni aliake i, Haeu teheni tel seilon ien. Tuahe na tel teheni aliake i, Haeu namiloi ukek i seilon pate tuah.”

Luk Meng solian ti Jises tataiai Luk 22:26

Tuahe amuto kum aile hahanowi woulato. Tel pate tuah leilomuto i teheni aliakewa i hualiai seilon liai ma tel masiwi i kewa masin tel unauamuto.

Luk Meng solian ti Jises tataiai Luk 9:48

I ukek, “Tel na i waxi auni akaik masin ie nake nga, se i aunini nga. Ape tel i waxi auni nga, i waheni tel Tamak Haeu, tetel i taloma nga. Tel na i teheni i ape i huali seilon liai, tel seilon ien Haeu namiloi ukek ka i pate tuah.”

Jon Meng solian ti Jises tataiai Jon 18:36

Jises ukek, “Na masin nga masiwi ti tuahe namili seilon, hoi teka unauak hil awaiwen nga ti mini teka Ju masiwi ti amite. Tuahe kumahe puki seilon hana nga masiwi.”

Rom Teik pasi Pol hani teka kahikahi Jises Krais ti Rom 12:2

Kum aile usiusi saun ti teka seilon laha kum tioi Haeu. Hani lioiwa *Holi Spirit kapiti namilomuto lehe i towiahu amuto hani seilon haun usiai Haeu. Aweisal tenen ien amuto tioi aluini waliko ti Haeu pahan amuto ailewa. Amuto paxai tioi waliko tenen ewi, waliko tenen Haeu amuke ma amuto pon usi hapoponowiai namilon.

Galasia 5:13

Tesol akikik ti Krais, Haeu pahan amuto hamalumua oxoxain ti hahitake nauna ti Moses. Tuahe kumahe ka amuto oxoxain lehe amuto tua aile saun lialun. Amuto he huhualawa lehe i kola ka amuto ailele saun ti wawahen.