Mak Meng solian ti Jises tataiai Mak 10:33 - Seimat

³³ Jises hone lato ukek, “Kako ape nahih hahaniwa Jerusalem. Ti ien, nga *tel Nati Seilon, laha hangaini nga hani mini teka masiwi tuah ti hukuminiai Haeu ma seilon, ma *teka hanaui nauna ti Moses. Lato noseni teleiak ape lato hangaini nga hani mini teka seilon ti *Rom.

Mak Meng solian ti Jises tataiai Mak 10:33 ပူးပေါင်းရင်းမြစ်များ

Matiu 16:21

Lokon ien Jises hutui kakane tesol kahikahin ukek, “Nga nahih hani Jerusalem. Ti ien teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha axi nga kawatan ma moloan lalap. Laha telei nga tuahe muhi ngain toluhu nga xahat alia.”

Matiu 26:66

Amuto namiloi kako aile ukek ia?” Laha pahoi ukek, “I aile hawane kakain lialun. I kak hahataehu Haeu. Pon hawane telei i.”

Matiu 27:2

Lato hone teka unaualato xinotian ape laha ati i hani kapi Pailat, tel ti teka masiwi ti *Rom.

Mak Meng solian ti Jises tataiai Mak 14:64

Amuto hongoen i ukek i tel Nati Haeu. Kaie kako aile ukek ia?” Lato hatesol xinoti namil tenenawe ti teleiai Jises.

Mak Meng solian ti Jises tataiai Mak 15:1

Pate letu wanen, hatesol masiwi ti teka *Ju apuha ailei namil ti waliko tenen na lato aile hani Jises. Lato xioti i ape hakahita hani kapi Pailat, tel ti teka masiwi ti *Rom kiliwakei Judia.

Mak Meng solian ti Jises tataiai Mak 8:31

Muhin Jises hutui hanau tesol kahikahin, i ukek, “Nga *tel Nati Seilon, nga tunahi lalape kawatan ma moloan ape teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha watakai hawane nga. Laha telei nga tuahe muhi ngain toluhu nga xahat alia.”

Mak Meng solian ti Jises tataiai Mak 9:12

Jises ukek, “Salan wanen tel masin Elaija i sohotumu apeseniai teka seilon imat ti Krais sohot. Tuahe nake lahan kakai Haeu i ukek ka tel Nati Seilon i tunahi kawatan ma moloan lapalap wanen ma laha watakai hawane i?

Mak Meng solian ti Jises tataiai Mak 9:31

Pahan i hanau tesol kahikahin. I ukek, “Nga tel Nati Seilon, laha hangaini hani teka seilon ape laha telei. Tuahe muhi ngain toluhu nga xahat alia.”

Luk Meng solian ti Jises tataiai Luk 23:21

Tuahe laha tilol pahoi ukek, “Teleiwa i! Tahi hakeawa i he *kros.”

Luk Meng solian ti Jises tataiai Luk 9:22

Tin i kakane lato ukek, “Nga *tel Nati Seilon, nga kau kilan kawatan ma moloan lalap. Ape teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha watakai hawane nga. Laha telei nga tuahe muhi ngain toluhu nga xahat alia.”

Jon Meng solian ti Jises tataiai Jon 18:28

Ti pate uli letu, laha hakahita Jises ti ingi Kaiapas hani tehu ingi Pailat, tel ti teka masiwi ti Rom. Tuahe hahalin ti teka Ju soh hani tehu ing ien nake se ingi *teka kumahe Ju. Na laha soh, laha kum pon aniai an ti *Pasova nake laha ape lolo.

Jon Meng solian ti Jises tataiai Jon 18:32

Waliko ien i sohot lehe kakain ti Jises kakak sale matean i sohot poponowi.

Jon Meng solian ti Jises tataiai Jon 19:11

Ape Jises ukek, “Na Haeu tai sowini hani o, o kum pon ailean. Aile ape tel seilon i hana nga hani he minam, i aile saun pamu lialuan ti o aile.”

Aposel 13:27

Teka seilon ti Jerusalem ma teka masiwi ti laha, laha kum paxai tioi Jises. Tuahe ti laha hani Jises he mini teka teleian, i hapoponowi hawane kakai teka kuluiai kakai Haeu ti lawe kako riridai na Sabat.

Aposel 20:22

“Ti aope ie, *Holi Spirit hanamiloa eliel hawane nga kane Jerusalem. Nga kum tioi waliko tenen na i sohot hani nga ien.

Jeims 5:6

Laha sului teka seilon ti tap huan hani teka masiwi. Ape sulusulu ti laha aile hina seilon sawisawin mat kalak teka seilon ien kum hil pahoi laha.