Mak Meng solian ti Jises tataiai Mak 1:32 - Seimat

³² Ti al loloa, laha hakahita hani Jises kilan seilon tinun ma teka ti spirit lialun kapiti hahalialu.

Mak Meng solian ti Jises tataiai Mak 1:32 ပူးပေါင်းရင်းမြစ်များ

Matiu 4:24

Menge waliko ti i ailele i sawat kakalini hatexux xux ti Siria. Ape teka seilon atoheni hani i hatesol teka tinun, teka hina moloan lalap, seilon teka *spirit lialun kapiti hahalialu, teka lawe laha put xexex ma teka laha kum nahih uke. Jises aile haewia laha.

Matiu 8:16

Ti ape alohah, teka seilon hakahita hani Jises kilan seilon ti *spirit lialun kapiti hahalialu. Kakain tehue Jises xaxaweni hatapo teka spirit lialun ape i haewia hatesol seilon tinun.

Matiu 8:17

Waliko ien i haponowi hawane waliko ti *Aisaia tel kuluiai kakai Haeu kak kilamiwen, “I xaxaweni nax tenen tenen ti kaha.” (Isa 53:4)

Mak Meng solian ti Jises tataiai Mak 1:21

Jises ma tesol kahikahin nahih hani tehu taon Kapenaum. Telao *Sabat, i nahih hani leili *synagog, tehu ing ti apuhai teka *Ju, ape i hanau teka seilon.

Mak Meng solian ti Jises tataiai Mak 1:31

I nahih haniwa kapi tel hehin, i akeni minan ape xahateni. Kiliwan wanen tinun xo ewiwa ape i apeseni analato.

Mak Meng solian ti Jises tataiai Mak 3:2

Hina seilon ien laha sasakal aweisal ti suluiai Jises. Aile ape laha paxai otioti na i aile haewia tel seilon lehe laha sului i ti ailei saun tenen hahalin telao Sabat.

Luk Meng solian ti Jises tataiai Luk 4:40

Ti ape alohah laha hakahita teka hina nax tenen tenen hani kapi Jises. I hana minan patul ti laha tel tel ti haewialaha ape laha ewi.

Luk Meng solian ti Jises tataiai Luk 4:41

Teka ti laha spirit lialun kapiti hahalialu. Kakai Jises tehue ape spirit lialun ox ahuta titilol, “O tel Nati Haeu!” Jises watakai teka spirit lialun kaxi hani teka seilon ka i Krais, aile ape i halini na lato kaxi.