Matiu 9:34 - Seimat

³⁴ Tuahe teka Parisi ukek, “*Satan axi i poh ti xaxaweniai spirit lialun.”

Matiu 9:34 ပူးပေါင်းရင်းမြစ်များ

Matiu 10:25

Laha kum aile hani tel na seilon pamu soliaian ti laha aile hani tel hanauan. Ape laha kum aile hani tel unaui tel masiwi pamu soliaian ti laha aile hani tel masiwi tetan. Na nga tel tame tehu ing laha axai *Satan, pamu laha aile halialu ahekewa teka hahitakak!

Matiu 11:18

Masin Jon Baptis ti i sohotuma, i kum ang halapa ma i kum un waen, ape teka seilon ukek, ‘*Spirit lialun kapiti halialu i.’

Matiu 12:22

Teka seilon hakahita hani Jises tel seilon pulaxa ma i kum kak uke nake *spirit lialun kapiti halialu i. Jises aile haewia tel seilon ape i pon kak ma paxapax.

Matiu 12:27

Amuto ukek nga usi xaxaweni teka spirit lialun nake Satan hakui nga. Na masin ien, kaie Satan haniwen tesol kahikahimuto poh ti usi xaxaweniai spirit lialun? Puase tesol kahikahimuto kola ka kumahe salan nga hahapuasa pohe Satan.

Mak Meng solian ti Jises tataiai Mak 3:22

*Teka hanaui nauna ti Moses nahima ti Jerusalem lato ukek, “Jises spirit lialun kapiti halialuawen! Satan axi i poh ti xaxaweniai spirit lialun.”

Luk Meng solian ti Jises tataiai Luk 11:15

Tuahe teka ti laha ukek, “I xaxaweni spirit lialun nake i kema poh ti Satan, tel masiwi ti spirit lialun.”

Jon Meng solian ti Jises tataiai Jon 3:20

Teka seilon ailei saun lialun laha watakai xewan ma laha sia ti xewan nake kumahe pahalaha seilon liai ningahi lialui woulaha.

Jon Meng solian ti Jises tataiai Jon 7:20

Kilan wanen seilon kak pahoi Jises, “*Spirit lialun kapiti halialuen o. Aita pahan teleiam?”