Matiu 9:22 - Seimat

²² Jises tohea paxai i ape ukek, “Amuamua tel natuk. Xoxoi namilom tetak i aile hasolia o.” Ape salan, i ewi huluta.

Matiu 9:22 ပူးပေါင်းရင်းမြစ်များ

Matiu 15:28

Jises kakane tel hehin ukek, “Namilom salan xoxoan wanen tetak! Nga aile usi waliko tenen paham.” Ape tel natun i ewi huluta tataen ien.

Matiu 17:18

Ape Jises tumei xaxaweni spirit lialun ti i aile hahalialu tel akaik. Tataen ien wanen i ewi.

Matiu 8:13

Ape Jises hone tel masiwi ti teka seilon ti hile, “Nahih haniwa ingam. Nake o soh ka nga pon haewia tel unauam, i sohot.” Tataen ien wanen tel unauan ewi huluta.

Matiu 9:2

Teka seilon kau hani i tel seilon tupuan maten engeeng he sau. Ti Jises ningahiwa xoxoi namilolaha, i hone tel tinun, “Tu xoxoa tel natuk! Nga oxoxi o ti kawatan ti lialui woum.”

Matiu 9:29

Jises soti pulalalu ape i ukek, “I sohot hanowi ti xoxoi namilomulu.”

Mak Meng solian ti Jises tataiai Mak 10:52

Jises hone i, “Nahiwa, xoxoi namilom ti Haeu aile haewiawen o.” Tataen ien wanen, pulan ewi ape i nahih kahiti Jises.

Mak Meng solian ti Jises tataiai Mak 5:34

Jises kakane i ukek, “Tel natuk, xoxoi namilom tetak i aile tinum ewi. Nahih hetekiewa amuam he tiam. Naxe tinum ape i tapoen.”

Luk Meng solian ti Jises tataiai Luk 17:19

Ape Jises hone tel seilon ien, “Tua ape nahih tamusua. Xoxoi namilom hani Haeu i aile haewiawen o.”

Luk Meng solian ti Jises tataiai Luk 18:42

Jises hone i, “Aope ie ape o paxapax. Xoxoi namilom hani Haeu i haewia o.”

Luk Meng solian ti Jises tataiai Luk 7:50

Ape Jises kakane tel hehin, “Haeu awai o ti kawatan ti lialui woum nake namilom xoxoan tetak. Nahih hawanenewa.”

Luk Meng solian ti Jises tataiai Luk 8:48

Jises hone i ukek, “Tel natuk, o ewiwen nake ti xoxoi namilom tetak. Nahih hawanenewa.”

Jon Meng solian ti Jises tataiai Jon 4:53

Ape tel tame tel akaik paxai tioi ka i sohot hawane lokon Jises kaakane i ka tel natun i ewi. Aile ape tel seilon ien ma hatesol seilon leili ingan laha soh hawane ti Jises.

Aposel 14:9

Ngain tehu i to hongohong ti Pol kakaxi meng solian ti Jises. Ti Pol pax sawi haniwa i, i paxai tioi ka tel seilon ien namilon xoxoan ka Jises pon haewian.

Aposel 16:18

Kilan ngain i aile saun tin tetenen ape Pol lon manomano. I tohea paxai tel hehin ape i kakane tel spirit lialun leilon i ukek, “Ti poh Jises haniwen nga, nga hone o ahutawa ti tel hehin ie.” Tataen ien wanen tel spirit lialun ahuta salili i.

Hibru 4:2

Kako tin kako hongoen *meng solian ti Haeu hanowi teka seilon lokon ti *Moses. Tuahe i kum aile uke tenen na solian hani laha nake laha kapaxe Haeu.