Matiu 9:15 - Seimat

¹⁵ Jises kak pahoi lato, “Taen tel seilon i sal i kapi tesol seilon ti laha ilowima ti salasala, kaie lato to ti tatahan ape kum ang? Kumahe! Lato ang amuam kapin. Tuahe ngain tehu i luluainima ti laha waxi tel seilon i sal ti lato ape tataen ien lato halini an.

Matiu 9:15 ပူးပေါင်းရင်းမြစ်များ

Matiu 9:14

Imuh tesol kahikahi Jon Baptis nahih hani kapi Jises ape kamei i, “Nakon lahan teka kahikahim kum halini an ti hualiai lotu ti lato hanowi ti amite ma teka Parisi?”

Matiu 9:16

“Tap tel ukeke teik maia haun paxatawaiai teik maia wasan. Na i aile ukek ien, teteik haun i lexi teik wasan ape wawan i lap ahe.

Mak Meng solian ti Jises tataiai Mak 2:19

Jises kak pahoi lato ukek, “Na tel seilon i sal i kapi tesol seilon ti laha ilowi ti angiain ti salasala, kaie lato kum ang? Kumahe! Lato ang akati i.

Mak Meng solian ti Jises tataiai Mak 2:20

Tuahe ngain tehu i luluainima, laha waxi xaxaweni tel seilon i sal ti lato. Tataen ien lato halini an.

Luk Meng solian ti Jises tataiai Luk 17:22

Jises kakane tesol kahikahin, “Taun i luluainima tutuen ti pahamuto wanen nga *tel Nati Seilon kapimuto tuahe tataen ien i kum pon na nga kapimuto.

Luk Meng solian ti Jises tataiai Luk 5:34

Jises kak pahoi lato, “Na tel seilon i sal i kapi tesol seilon ti laha ilowi ti angiain ti salasala, kaie lato kum ang? Kumahe! Lato ang akati i.

Luk Meng solian ti Jises tataiai Luk 5:35

Tuahe ngain tehu i luluainima, laha waxi xaxaweni tel seilon i sal ti lato ape tataen ien lato halini an.”

Jon Meng solian ti Jises tataiai Jon 16:6

Tiamuto xuhai tatahan nake ti waliko nga kakanewen amuto.

Jon Meng solian ti Jises tataiai Jon 3:29

Masin ti tel lohi tel seilon i sal, i to hong atetengi na tel seilon i sal hukuma hani kapi tel axoan. Ape i amuke hawane ti i sohot. Tin masin lalape amuam tetak tetelao nake salan i sohotuen, kilan seilon nahih hani kapi Jises hongoi kakaian.

Aposel 14:23

Ti lawe taon ien Pol ma Banabas kilami teka masiwi ti ngahatiai teka kahikahi Jises. Lalu lotu ape lalu halini hetekie an ti hualiai lotu ti lalu. Lalu kamei Haeu ti hualiai teka kahikahi Jises laha hana hatapo namilolaha hani Haeu.

1 Korin 7:5

Tel tel kum kakapitini tupuan ti tel axoan halik na ati lalu sowini ti lalu kum eng he akakat ti teik taun kukunun. Na masin ien, pamu i axi aheke taun ti na lalu lotu hani Haeu. Tuahe imuh lalu he hohongen aliawa lehe *Satan kum haputa lalu ti ailei saun lialun ti wawan hehin na lalu kum kongini uke isialalu.

2 Korin 11:27

Nga puas makeh usi hawane ma kewi lawe tap matihuin. Kilan taun lawe kinawek paxepaxe ma hitolo tunahi nga ti tapoi an. Tin kilan ngain nga peu lialu, tap puxux awaiak ti waiwain.

Hahatakei Haeu 19:9

Ape tel *engel kakane nga, “Taiwa tetenen, ‘Haeu amumuke teka i ilowi hani tehu angiain lalap ti salai tok sipsip uluha.’ ” Tin i ukek, “Tesol kakain ien se kakain salan i ahuma ti Haeu.”

Hahatakei Haeu 21:2

Ape nga ningahi tehu taon ti Haeu, i ape tehu Jerusalem haun. I mosulih ti *tone Haeu. Soliai tanoman masin tel hehin i apepeas ti tehu salaian.