Matiu 6:25 - Seimat

²⁵ “Nga hone amuto, kum namiloi hahakila an, unumamuto ma sosomuto. Sale totonamuto seilon pamu tuah ti an a tupuamuto pamu tuah ti maia.

Matiu 6:25 ပူးပေါင်းရင်းမြစ်များ

Matiu 10:19

Ti laha aka kongini amuto, kum hahakila namilomuto waliko tenen ti na amuto kak.

Matiu 13:22

Hepekeun ti hina au ti waki maia put to, i kikilami teka seilon laha hong kakai Haeu, tuahe laha namiloi kasini waliko ti itan ie. Pahalaha soxialaha kilan. Namil tenen ien kokongini kakai Haeu ape laha kum hua.

Matiu 6:31

“Ape amuto kum namiloi ukekek, ‘Kaie anak, unumak ma sosok nga kema ia?’

Matiu 6:34

Kum namiloi hahakila waliko ti na i sohot letu. Waliko ti letu, tiliwen ti letu. Amuto kum huhukumini kawatan ti ngain tehu tehu.

Mak Meng solian ti Jises tataiai Mak 13:11

Na laha xoti ma sului amuto, kum hahakila namilomuto waliko tenen ti na amuto kak. Pake *Holi Spirit hanamiloa amuto kakain.

Mak Meng solian ti Jises tataiai Mak 4:19

Tuahe laha namiloi kasini waliko ti itan ie. Pahalaha soxialaha kilan ma laha nahaini waliko ti seilon liai. Namil tenen ien kokongini kakai Haeu ape laha kum hua.

Luk Meng solian ti Jises tataiai Luk 12:11

“Na laha sului amuto hani teka masiwi ti *synagog ma teka masiwi tenen tenen, kum hahakila namilomuto waliko tenen na amuto kak ti awaiamuto.

Luk Meng solian ti Jises tataiai Luk 8:14

Hepekeun ti hina au waki maia put to, i kikilami teka seilon laha hong kakai Haeu tuahe laha namiloi kasini waliko ti itan ie. Pahalaha soxialaha kilan ma laha nahaini waliko ti seilon liai. Namil tenen ien kokongini kakai Haeu ape laha kum hua nake namilolaha ti Haeu kumahe xoxoan.

Rom Teik pasi Pol hani teka kahikahi Jises Krais ti Rom 8:32

Haeu tai hasalia tel puki Natun ti kaui kawatan tuahe i hani lioi i mat ti hualiakako. Na masin ien, i pon hawane kako soh ka ti lalape soliaian tin i hani kako lawe waliko ti hualiai nanahiakako.

1 Korin 7:32

Pahak amuto kum pate nanamiloi waliko ti tehu pon ie. Wawan tenen i tai sal, namilon i hatapo hani ailei puase Haeu tel Masiwi. I haeliel hawane ti ailei waliko tenen Haeu tel Masiwi amuke.

Pilipai 4:6

Kum namiloi hahakila tenen na waliko, tuahe leili lotu ti amuto, kameiwa Haeu waliko tenen ti amuto tae ma kak kemulik haniwa i ti lawe waliko.

2 Timoti 2:4

Masin tel unaui tel masiwi, pahan tel masiwi amukewa i. Aile ape i puas matuha ti tel masiwi tetan.

1 Pita 5:7

Kum namiloi hahakila tenen na waliko. Lioi haniwa Haeu nake i tel ngahat solian ti amuto.