Matiu 25:21 - Seimat

²¹ “Tel tame moni ukek, ‘Puasam solian. O unauak solian, o auni aluini moniuk. O ngahati aluini waliko kokol, aile ape nga hani o ngahatiai waliko pamu tuah. Amuam akatima nga.’

Matiu 25:21 ပူးပေါင်းရင်းမြစ်များ

Matiu 24:45

Jises kak tatale ukek, “Amuto hanowiwa tel unaui tel tame tehu ing, lawe i aile aluini puasan. Tel tame tehu ing hani tel unauan ngahatiai teka unauan liai ma axiai analaha ti taun ti angiain.

Matiu 24:47

Nga kakane hawane amuto, tel tame tehu ing hana i ngahatiai lawe soxian.

Matiu 25:23

“Tel tame moni ukek, ‘Puasam solian. O unauak solian, o auni aluini moniuk. O ngahati aluini waliko kokol, aile ape nga hani o ngahatiai waliko pamu tuah. Amuam akatima nga.’

Matiu 25:46

“Ape tel Tamak Haeu i towi lato hani *tesol kaui kawatan tap tahi tapoan ape teka seilon sawisawin i waxi hani tetesol ti lato to kapin lian tehue.”

Luk Meng solian ti Jises tataiai Luk 12:44

Nga kakane hawane amuto, i hani tel unauan ngahatiai lawe soxian.

Luk Meng solian ti Jises tataiai Luk 16:10

“Tel na i ngahati aluini waliko kokol, tel masiwi tetan soh i ti ngahatiai waliko pamu lapan. Tel na i pisi tel masiwi tetan ti waliko kokol, tel masiwi tetan kum soh i ti ngahatiai waliko pamu lapan.

Jon Meng solian ti Jises tataiai Jon 12:26

Tel na pahan i sohot kahikahik kewa ka i hong usi kakaiak. Na tel i sohot kahikahik lawe i kakahiti nga hani tuahe na tesol. Ape tel Tamak Haeu namiloi ukek i tel seilon tuah.

Jon Meng solian ti Jises tataiai Jon 14:3

Na nga apeseni kewa nga aliama waxi amuto lehe amuto to kapik tetesol ti nga toto.

Jon Meng solian ti Jises tataiai Jon 17:24

Tel Tamak, pahak wanen ka teka seilon o hana hahitake ngangahatak, lato lawe kapik lehe lato ningahi lalape pohek ma soliaiak ti o hani nga nake hoi o waheni nga imat ti hutui tehu pon itan.

Rom Teik pasi Pol hani teka kahikahi Jises Krais ti Rom 2:29

Seilon ti Haeu wanen se teteka laha hani Haeu hauni leilolaha. Ukei kikilam ti uli walikoi seilon ma tuahe usiai nauna ti Moses, i kum towiahu hasolia seilon. Mewenae na kaha hani *Holi Spirit kapitiakaha i aile kaha sohot seilon haun. Na masin ien, kalak seilon kum sameni kaha, Haeu tetel sameniakaha.

1 Korin 4:5

Aile ape kum howini hahalialu seilon liai. Taun i luluainima ti Jises Krais tel Masiwi paxai kolongeni woi lawe seilon taen ti i aliama. Tataen ien i kola hatakei waliko lialun ti teka seilon aile mumuneni. I ahuti hakouke namili lawe seilon. Taen ien Haeu sameni tel tel, usiwa sale nanahialaha.

2 Korin 10:18

Aile ape tel na i sameni aliake i, i kumahe tuah. Tuah wanen tetel ti sasameniai Haeu.

2 Korin 5:9

Nake ti tenen ien kako haeliel hawane ailei lawe waliko tenen i hamuamua Jises tel Masiwi, ti kako he tehu pon ie ma na kako kapin ti tonan.

Pilipai 1:23

Namilok i uke huonen. Pahak wanen nga salili tehu pon ie lehe nga to hawane kapi Krais nake se pamu solian tetak.

1 Timoti 3:13

Teteka masiwi na puasalaha solian, teka liai namiloi ukek laha seilon pate tuah ape puki laha kak matut uke sale xoxoi namilolaha ti Krais.

2 Timoti 2:12

Na kako kum nomuha kaui kawatan ti ailei puase Haeu, imuh kako neini teka seilon kapi Jises Krais. Na kako aile hanowi ka kako kum paxai tioi i, Jises tin i kum paxai tioi kako.

Hibru 12:2

Kako hana hatapoa namilokako haniwa *Jises. Nake i, kako soh ti Haeu ma xoxoi namilokako ti Haeu i lap ahe tatale. I kau kawatan he teik *kros nake ti amuam i uke imuh. I kum nam waxi hienain ti sale matean he kros. Aope ape i toto tesol tonain pate tuah kapi Haeu.

Hahatakei Haeu 2:10

Kum maamata tesol kawatan lehe ape i tunahi amuto. Hongoa! Satan hanamiloa teka seilon ti kalabusiamuto ti tohongiai xoxoi namilomuto tetak. Amuto kau kawatan ien ti teik taun kukunun. Amuto tu xox tatalewa tetak kalak na laha telei amuto. Ape nga hani kahumuto tonain tuah kapi Haeu ti tap tahi tapoan.

Hahatakei Haeu 21:7

Tesol soliai waliko ien ukean teka laha waxaini saliniai totohong ma saun lialun. Teteka seilon ien, nga ngahati hahawane ape laha sohot natuk wanen.

Hahatakei Haeu 3:21

“Teka laha waxaini saliniai totohong ma saun lialun, nga hani laha to kapik ti neiniai seilon masin ti nga waxainiwen ape nga kapi Haeu tel Tamak neiniai seilon.

Hahatakei Haeu 7:17

I sohot ukek ien nake totok sipsip uluha kapi Haeu i ngangahati ma neneini laha hani Haeu masin ti na kinawe seilon pate paxepaxen ape tel i neini laha hani tehu kan. Ape tatahan kum hatangi ulei laha nake Haeu xaxaweni hatapo lawe kawatan.”