Matiu 21:44 - Seimat

⁴⁴ Teka seilon laha hong watakai kakaiak, laha tunahi kawatan ma moloan lalap.”

Matiu 21:44 ပူးပေါင်းရင်းမြစ်များ

Matiu 21:43

“Nga kakane hawane amuto, Haeu kum neini amuto nake amuto kum hong usi kakaian. Haeu neini teka seilon laha hong kakaian ape laha aile waliko tenen pahan.

Matiu 21:45

Teka masiwi tuah ti hukuminiai Haeu ma seilon, ma teka *Parisi ti lato hongoa kakai Jises, lato tioi i kak nanami lato.

Matiu 26:24

Nga tel Nati Seilon imuh nga mat, masin ti kakai Haeu kakawen. Tuahe kawatan lalap tunahi tel seilon i hangaini nga hani laha telei. Pamu ewian na i tai takah!”

Matiu 27:25

Laha hatesol pahoi i ukek, “Hanima amite ma natumite kaui kawatan ti matean!”

Luk Meng solian ti Jises tataiai Luk 2:34

Ape Simeon kamei Haeu ti hanialalu soliaian. I hone Mary ukek, “Tel akaik ie Haeu kilamiwen, kilan seilon kum soh ka i Krais ape Haeu teheni ma paxai lioi laha. Ape kilan seilon liai laha soh ka i Krais ape Haeu namiloi ukek laha seilon tuah. Jises masin kolakol ti Haeu tuahe kilan seilon pahoxai i.

Luk Meng solian ti Jises tataiai Luk 20:18

Ape Jises tili kakaian ukek, “Teka seilon laha hong watakai kakaiak, laha tunahi kawatan ma moloan lalap.”

Jon Meng solian ti Jises tataiai Jon 19:11

Ape Jises ukek, “Na Haeu tai sowini hani o, o kum pon ailean. Aile ape tel seilon i hana nga hani he minam, i aile saun pamu lialuan ti o aile.”

Rom Teik pasi Pol hani teka kahikahi Jises Krais ti Rom 9:33

Masin ti pepai Haeu kakawen sale Jises Krais i ukek, “Nga hatuhi tehu kuku pate tuah leili Jerusalem. Tehu kuku ien laha tanga put. Tuahe teka seilon laha soh tetan tap wanen laha po namiloi tahane aliake.” (Isa 8:14, 28:16)

1 Tesalonika 2:16

Laha tohongi lali konginiamite ti kaxi haniai *teka kumahe Ju ka Haeu pahan i awai laha ti kawatan ti lialui woulaha. Ti laha aile ukek ien, laha tua palahi aheheke saun lialun ti laha ailele. Aile ape ti lengei Haeu, imuh i axi laha kawatan.

1 Pita 2:8

Leili pepai Haeu tin i ukek, “Tehu kuku ien tin masin tehu hat he aweisal seilon nahih tuhuke ape laha put.” (Isa 8:14) Teka seilon ien namilolaha ti Jises Krais i put nake laha tahi kakai Haeu. Ti imat wanen Haeu namiloiwen tenen waliko ien i sohot hani teka laha kum hong usi kakaian.