Matiu 17:20 - Seimat

²⁰ Jises pahoi lato ukek, “Nake amuto tap namil xoxoan ti Haeu. Nga kakane hawane amuto, kalak na xoxoi namilomuto ti Haeu lapan waki lilieu, amuto pon kak naxiai tehu maunten ie ape i naxia. I pon amuto aile lawe waliko!”

Matiu 17:20 ပူးပေါင်းရင်းမြစ်များ

Matiu 13:31

Jises kaxi ulea tenen meng i ukek, “Aweisal ti Haeu neini seilon tin masin tel seilon i waxi tehu waki lilieu ape i seini.

Matiu 14:29

Jises ukek, “Nahima!” Pita mos he tea koap ape i hutui nahih patul he kanitax hani kapi Jises.

Matiu 17:17

Jises ukek, “Amuto teka seilon ti aope ie tap namil xoxoan ti Haeu ma saun ti amuto pate lialun. Nga to kapimuto ma hanau kueiniwen amuto. Kaie kuehuan ia pahamuto nga to kapimuto lehe namilomuto xox tetak? Ati hanima nga tel akaik!”

Matiu 17:19

Muhin ien tesol kahikahi Jises nahih hani kapin ti tesol mewenae i ape lato kamei, “Nake lahan amite kum xaxaweni uke spirit lialun ti tel akaik?”

Matiu 17:9

Ti lato momosua he tehu maunten, Jises kakane eliel lato i ukek, “Kum kakaxi hani tel na seilon waliko ti amuto ningahiwen atengi tataen nga *tel Nati Seilon xahat alia ti mateak.”

Matiu 21:21

Jises ukek, “Nga kakane hawane amuto, na namilomuto xox hawane ti Haeu, tap kakapax, amuto pon ailei waliko masin ti nga aile haniwen tea pata ie. Kumahe mewenae tenen ien, tin amuto pon kakanei tehu maunten ie, ‘Hutawa tesol ien towia haniwa itax,’ ape i sohot ukek ien.

Matiu 8:26

Jises ukek, “Alahan ka pate amuto mamata? Nakon amuto tap namil xoxoan ti Haeu?” I xahatawa ape i kakane aupol ma laman, “Mongawa!” Ape i tuxi.

Mak Meng solian ti Jises tataiai Mak 11:22

Jises hone lato ukek, “Haxoxoa namilomuto ti Haeu!

Mak Meng solian ti Jises tataiai Mak 11:23

Nga kaxi hawane hani amuto, na tel seilon hina namil xoxoan, tap kakapax, ape i kakane tehu maunten ie, ‘Hutawa ie ape towia haniwa itax,’ hoi liai i sohot.

Mak Meng solian ti Jises tataiai Mak 4:31

Ien masin tehu kokole waki lilieu tel seilon seini.

Mak Meng solian ti Jises tataiai Mak 9:23

Jises ukek, “Na nga pon? Alahan o ukek na nga pon? Tel na i hina namil xoxoan ti Haeu, lawe waliko i pon.”

Luk Meng solian ti Jises tataiai Luk 1:37

Tap tenen waliko Haeu kum aile uke.”

Luk Meng solian ti Jises tataiai Luk 17:6

Jises pahoi lato ukek, “Kalak lape namilomuto hani Haeu masin waki lilieu, i pon amuto hone tea pata ie, ‘Sohutawa tesol ie ape tu haniwa itax.’ Ape salan i hong usi kakaiamuto.”

Luk Meng solian ti Jises tataiai Luk 18:27

Jises pahoi ukek, “Ti mewenae kui seilon i kum pon. Tuahe hetekie huhual ti Haeu, seilon pon.”

Jon Meng solian ti Jises tataiai Jon 11:40

Jises hone i ukek, “Hoi nga kakanewen o ka na namilom xoxoan tetak, o ningahi waliko tenen lalap ti pohe Haeu aile.”

1 Korin 12:9

Teka ti kako, Holi Spirit aile haxoxo hawane namilokako ti Haeu ape teka liai ti kako, Holi Spirit tin tetel i hani poh ti haewiai seilon.

1 Korin 13:2

Na masin tel i pon kuluiai kakain ti Haeu ma tioi hawane lawe waliko ti Haeu tai hatakei ma hina hatesol anesoin ma tin hina namil xoxoan ti naxi sohiai maunten, a tap wawahen leili aten, tap wanen pupuasan.

Hibru 3:19

Se ape kako tioi ka laha tai uke tonain ien nake laha kapaxe Haeu.