Matiu 13:24 - Seimat

²⁴ Jises kakane laha tenen meng i ukek, “Aweisal ti Haeu neini seilon masin tel seilon i seini peteta he tesol kinen.

Matiu 13:24 ပူးပေါင်းရင်းမြစ်များ

Matiu 13:19

Teka laha hong kakain ti Haeu neini seilon a laha kum xeu, laha masin aweisal ti waki maia put to. Laha hong kakai Haeu tuahe malimun wanen na *Satan xaxaweni kakai Haeu ti leilolaha.

Matiu 13:25

Ipong tehu ti hatesol seilon mamatih, tel seilon lialun nahih seini kango hani he tesol kin ape i nahih salili.

Matiu 13:31

Jises kaxi ulea tenen meng i ukek, “Aweisal ti Haeu neini seilon tin masin tel seilon i waxi tehu waki lilieu ape i seini.

Matiu 13:33

Jises kaxi ulea tenen, “Aweisal ti Haeu neini seilon tin masin ie. Tel hehin i waxi teik kokole ist ape i talini hani he palawa. Kalak teik ist kokol, i haxiwa palawa hatehu.”

Matiu 13:37

Jises pahoi lato, “Tel seilon seiniai peteta i tu kikilami nga *tel Nati Seilon.

Matiu 13:47

“Aweisal ti Haeu neini seilon masin teka seilon towi tehu ka hani itax ape lato tike kilan xixi tenen tenen.

Matiu 18:23

“Nga kaxi tenen meng haxewaiam. Aweisal ti Haeu neini seilon masin tel masiwi ti pahan waxi aliakei moniun ti teka unauan.

Matiu 20:1

“Aweisal ti Haeu neini seilon masin ie. Letuan tehu tel seilon nahih ngah seilon na laha puas he kinen.

Matiu 21:33

Jises ukek, “Nga kaxi ulei tenen meng liai. Tel seilon seini tesol lalape kin ape i tiehi kalini. I tahiwi tewau wal, tone pisihi waxiai kani huai pata ape i atai tehu kokole ing patul totone teka peteniai tesol kin. Ape i hani teka seilon puas ngahati tesol kin lehe tin i uke aliake hina huai pata. Ape i ku hani texux xux xauxaun.

Matiu 22:2

“Aweisal ti Haeu neini seilon masin na tel masiwi hone teka unauan apeseniai tehu angiain lalap ti salai tel natun wawan.

Matiu 25:1

*Jises kak ulea ukek, “Aweisal ti Haeu neini seilon masin tesol huopanim hehin uluha. Lato waxi tesol kamaialato ape lato nahih tengeni tel seilon i sal.

Matiu 3:2

I ukek, “Towiahua ti saun lialun ti amuto nake nenein ti Haeu i xohiwen!”

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Luk Meng solian ti Jises tataiai Luk 13:18

Jises ukek, “Nga kak kolongeni haxewa hani amuto sale nenein ti Haeu.

Luk Meng solian ti Jises tataiai Luk 13:20

Jises kak ukek, “Nga kaxi ulei hani amuto sale nenein ti Haeu.

Kolosi 1:5

Amuto sohot ukek ien nake namilomuto xoxoan wanen ka kahumuto i to aununa ti *tone Haeu. Hoi amuto tioi tenen ien nake amuto hongoen kakain salan leili *meng solian ti Jises Krais.

1 Pita 1:23

Aile kewak ien nake amuto ape nati Haeu. I hani amuto tonain haun ti tap tahi tapoan nake amuto soh kakaian ti i hamalum lian tehue. Kumahe masin totone teka laha kum nam waxi Haeu.