Matiu 10:7 - Seimat

⁷ Nahiwa ape kaxi sawateniwa ka Haeu tel neiniakako ape i xohiwen.

Matiu 10:7 ပူးပေါင်းရင်းမြစ်များ

Matiu 10:8

Haewiawa teka tinun, hamoiha aliakewa seilon maten, haewiawa teka seilon hina nax lialun he tinulaha ma ahuti xaxaweniwa spirit lialun ti leilolaha. Masin ti amuto tua uke tap kahun, tin amuto tua haniwa, kum kakamea kahi puasamuto.

Matiu 11:1

Muhin ti Jises hanau kewa tesol huopanim hua kahikahin, i nahih salili tesol toan ien ape i nahih hani taon ti xohixohin. I hahanau ma kakaxi *meng solian ti Haeu hani teka seilon.

Matiu 21:31

Ape Jises kamei lato, “Aita tel ti lalu i hong usi kakai tel taman?” Lato ukek, “Tel pamu.” Jises ukek, “Nga kakane hawane amuto, teka seilon ti saun lialun masin *teka waxiai moni hani tel masiwi ti *Rom ma teka hehin laha eng akati wawan ukei moni, laha hong usi Haeu i xoini amuto.

Matiu 21:43

“Nga kakane hawane amuto, Haeu kum neini amuto nake amuto kum hong usi kakaian. Haeu neini teka seilon laha hong kakaian ape laha aile waliko tenen pahan.

Matiu 23:13

“Amuto teka hanaui nauna ti Moses ma teka Parisi, Haeu axi hawane amuto kawatan. Lehomuto huoka! Waliko ti amuto hahanau i tiehi teka seilon ti Haeu neneini laha. Puki amuto, Haeu kum neini amuto ape amuto hasele teka ti pahalaha Haeu neini laha.

Matiu 3:2

I ukek, “Towiahua ti saun lialun ti amuto nake nenein ti Haeu i xohiwen!”

Matiu 4:17

Lokon ien Jises hutui pupuasan ti sawateniai kakai Haeu i ukek, “Amuto towiahua ti lialui woumuto nake xohiwen ti Haeu neini hatesol seilon.”

Mak Meng solian ti Jises tataiai Mak 6:12

Muhi kakai Jises tesol huopanim huhua kahikahin nahih kaxi ahuti *meng solian ti Haeu hani teka seilon lehe laha towiahu ti lialui woulaha.

Luk Meng solian ti Jises tataiai Luk 16:16

Jises kak tatale ukek, “Imat ti Jon Baptis kaxi ahuti kakai Haeu, amuto teka *Israel hahitake hatesol *nauna ti Moses ma kakain ti *teka kuluiai kakai Haeu. Tuahe aope ie, nga ma tesol kahikahik kakaxi meng solian ti Haeu neini seilon ape kilan seilon pahalaha wanen Haeu neini laha.

Luk Meng solian ti Jises tataiai Luk 9:2

Ape i talo lato kaxiai meng solian ti Haeu neini seilon ma haewiai teka tinun.

Luk Meng solian ti Jises tataiai Luk 9:6

Ape tesol aposel nahih kakaxi *meng solian ti Jises hani toan tewau tewau ma hahaewia teka seilon tinun.

Luk Meng solian ti Jises tataiai Luk 9:60

Jises ukek, “Teka seilon kumahe ti Haeu laha masin seilon maten. Tiliwen teka ien tihiniai teka maten. Tuahe o nahih kaxi sawateniwa meng solian ti Haeu neini seilon.”

Jon Meng solian ti Jises tataiai Jon 3:2

Ipong tehu i nahih hani kapi Jises ape i ukek, “Tel masiwi, amite tioi ka Haeu taloma o hanaui seilon. Tap tel seilon pon ailei kolakol lalap ti lawe o ailele, mewenae na i hina pohe Haeu.”

Aposel 10:25

Ti Pita sohoa, Konilius nahih tengeni i ape lokuha matan.

Aposel 28:31

I angiamatake kaxiai sale nenein ti Haeu ma sale puase tel Masiwi Jises Krais. Tap tel kongini uke i.

Aposel 4:2

Lolato lialu nake Pita ma Jon kakaxi hani teka seilon ka *Jises moih aliawen. Ien i kola ka teka laha mat laha xahat alia.