Matiu 10:23 - Seimat

²³ Na teka seilon ti tewau toan aile halialu amuto, ox haniwa toan liai. Nga kakane amuto, nga, *tel Nati Seilon, nga alia hani kapi tel Tamak Haeu imat ti amuto hatapo puasamuto leili Israel.

Matiu 10:23 ပူးပေါင်းရင်းမြစ်များ

Matiu 16:27

Nga kakane amuto tetenen nake nga tel Nati Seilon alia hetekiema poh ma xewai tel Tamak Haeu ma teka *engel, spirit solian tetan. Tataen ien nga kahui hapoponowi hani teka seilon tenen tenen ti laha ailewen.

Matiu 16:28

Nga kakane hawane amuto, teka ti amuto ie, amuto kum matemu atengi tataen amuto ningahi nga tel Nati Seilon neini teka seilon.”

Matiu 2:13

Muhin ti tesol soliwa aliawa, Josep i paxangong. Leili paxangoan tel *engel ti Haeu hone i ukek, “Xahatawa! Waxiwa tel akaik ma tel tinan ape ox haniwa Igip nake Herod i upiup tel akaik lehe i telei. Amuto toa ien atengi tataen na nga hahongo aliakewa amuto.”

Matiu 23:34

Nga kakane amuto, nga talo hani amuto teka kuluiai kakai Haeu, teka seilon aneso ma teka hanaui saun ti Haeu. Amuto telei teka, amuto tahi hakea teka he *kros, teka amuto heti leili synagog ape teka amuto usi haoxa hani toan tewau tewau.

Matiu 23:36

Nga kaxi hawane hani amuto, kawatan ti tesol matemate ien, kauan teka seilon ti aope ie.”

Matiu 24:27

Nga *tel Nati Seilon sohotuak hanowi usil i xep koti maun hutuima ti angiha haniwa ahang.

Matiu 24:30

Tataen ien, kolakol ti aliaiak tel Nati Seilon i sohot he maun. Teka seilon ti lawe xux laha tang mamata. Ape laha ningahi nga tel Nati Seilon mosulih patul he maun hetekie lalape poh ma soliai talepai xewaiak.

Matiu 24:34

Nga kakane hawane amuto, hina seilon ti aope ie laha kum matemu atengi tataen waliko ien i sohot.

Matiu 24:48

Tuahe na masin tel unauan seilon lialun, i namiloi ukek, ‘Pake tel tame tehu ing aliaian kuen.’

Matiu 25:13

Ape Jises ukek, “Aile ape amuto pax petawa ma apeasawa nake amuto kum tioi lokon wanen aliaiak.”

Matiu 26:64

Jises kakane i, “Masin ti o kakawen. Nga kaxi hani amuto hatesol, imuh amuto ningahi nga tel Nati Seilon toto he tepaun min manau ti Haeu tel pohen wanen, neiniai seilon kapin ma ti nga luainima he maun.”

Matiu 4:12

Ti Jises hongoa ka Jon kalabusawen, i nahih alia hani texux xux Galili.

Mak Meng solian ti Jises tataiai Mak 13:26

“Taen ien hatesol seilon ningahi nga *tel Nati Seilon mosulih patul he maun hetekie lalape poh ma soliai talepai xewaiak.

Luk Meng solian ti Jises tataiai Luk 18:8

Pate i sa kosea hualialaha. Tuahe kaie nga tunahi kilan seilon namilolaha xoxoan tetak ti na nga tel Nati Seilon aliama?”

Luk Meng solian ti Jises tataiai Luk 21:27

Ape laha ningahi nga *tel Nati Seilon mosulih patul he maun hetekie lalape poh ma soliai talepai xewaiak.

Jon Meng solian ti Jises tataiai Jon 7:1

Muhin ien Jises hanau tatale teka seilon leili Galili. Kumahe pahan i nahih hani Judia nake teka *Ju ien hina namil ti teleian.

Aposel 17:10

Ipong tehu ien, teka kahikahi Jises talo Pol ma Sailas hani tehu taon Berea. Timoti tin i lua hani ien tuahe imuh. Ti lalu tahiawa, lalu nahih hani tehu synagog ti teka Ju.

Aposel 17:14

Aile ape teka kahikahi Jises talo Pol ma teka liai laha lua akakati i hani Aten tehu taon leili texux xux Akaia. A Sailas ma Timoti hamalum Berea.

Aposel 20:1

Hina ngain tamusua, Pol apuhini teka kahikahi *Jises hani kapin. I kak haxoxo tapeini lato ape i lua hani texux xux Masedonia.

Aposel 8:1

Sol paxai waheni ti laha telei Stiven. Ti ngain tehu ien teka seilon hutui axiai kawatan tenen lialun wanen hani teka *kahikahi Jises leili Jerusalem. Aile ape hatesol kahikahi Jises ox hani tesol tesol ti Judia ma *Samaria tuahe tesol *aposel lato hamalum Jerusalem.