Luk Meng solian ti Jises tataiai Luk 7:37 - Seimat

³⁷ Ti tehu taon ien tel hehin ti ailei saun lialun i hong tunahi ka Jises angiang leili ingi Saimon ape i kauma tehu sanda kahun pate lalap ma poun pate solian.

Luk Meng solian ti Jises tataiai Luk 7:37 ပူးပေါင်းရင်းမြစ်များ

Matiu 21:31

Ape Jises kamei lato, “Aita tel ti lalu i hong usi kakai tel taman?” Lato ukek, “Tel pamu.” Jises ukek, “Nga kakane hawane amuto, teka seilon ti saun lialun masin *teka waxiai moni hani tel masiwi ti *Rom ma teka hehin laha eng akati wawan ukei moni, laha hong usi Haeu i xoini amuto.

Luk Meng solian ti Jises tataiai Luk 18:13

“Tel waxiai moni i tu siasia nake i namiloi ukek i seilon tenen woun pate lialun. Aile ape i kum xeisa hani patul ti i lolotu. I tui patanawan nake pate i tahane lialui woun ti i ailewen. Ape i lotu ukek, ‘Haeu tahanema nga nake nga seilon tenen ailei saun lialun.’ ”

Luk Meng solian ti Jises tataiai Luk 19:7

Ti teka seilon ningahiwa, laha kak mumum hui Jises ukek, “I to akakati tel seilon woun lialun.”

Luk Meng solian ti Jises tataiai Luk 5:30

Tuahe teka Parisi ma teka hanaui nauna ti Moses laha kahiloloi teka kahikahi Jises, laha ukek, “Kalahai amuto ang ma un akati *teka waxiai moni ti teka puki akikilaha ma teka woulaha lialun?”

Luk Meng solian ti Jises tataiai Luk 5:32

Kumahe ka nga he tehu pon ie upiai kahikahik seilon tenen laha sokok laha sawisawin. Nga tahiama upiai kahikahik seilon tenen laha tioi ka woulaha lialun.”

Luk Meng solian ti Jises tataiai Luk 7:34

Ape ti nga *tel Nati Seilon sohotuma, nga ang ma un waen hanowi teka seilon liai ape amuto ukek, ‘Paxaiwa tel seilon ien! Puhuan wawan ma weli unum. I tin lohi teka seilon ti waxiai moni hani teka masiwi ti Rom ma lohi teka seilon woulaha lialun.’

Luk Meng solian ti Jises tataiai Luk 7:36

Tel Parisi axan Saimon ilowi Jises hani tehu angiain. Jises nahih hani leili ingan ape i to ang.

Jon Meng solian ti Jises tataiai Jon 9:24

Lato ilowi tuhi tel seilon kemuk pulaxa ape kakane i ukek, “Kakawa ti kuinakei Haeu ka waliko ti na o kak se salan nake amite tioi ka tetel seilon i haewia o woun pate lialun.”

Jon Meng solian ti Jises tataiai Jon 9:31

Kako tioi Haeu kum hong seilon tetenen woun lialun, i hong teka laha lotu sameni i ma puas usi waliko ti pahan.

Rom Teik pasi Pol hani teka kahikahi Jises Krais ti Rom 5:8

Tuahe Haeu kola hawanewen lalape wawahen tetan hani kaha ti *Krais mat ukei totonakaha lokon ti kaha seilon lialun tutuen.

1 Timoti 1:15

Tenen kakain ie se pate salan wanen ma lawe seilon hong sohoa. Jises Krais sohot hanima tehu pon ie awaiai seilon ti kaui kawatan ti lialui woulaha. A nga tel pamu lialuan ti lawe seilon lialun.

1 Timoti 1:9

Kumahe Haeu aile tanomi tetesol nauna hani teka laha hong tamani kakaian tuahe kane teka xaputiai nauna tetan ma tahiai kakaian, teka laha kum nam waxi i ma aile haweluwelu saun lialun, teka laha namiloi ukek i kumahe tuah ma laha kum lotui i, teka laha telei tamalaha ma tinalaha, ma teka laha telei seilon liai.

1 Pita 4:18

Masin ti leili pepai Haeu i ukek, “Na teka seilon sawisawin kau kawatan imat ti Haeu awai tinami laha ti lawe waliko lialun, pamu lialuan kawatan ti i tunahi teka laha kum soh ti Haeu, teteka laha weli ailei saun lialun.” (Prov 11:31)