Luk Meng solian ti Jises tataiai Luk 7:28 - Seimat

²⁸ Jises kak ulea ukek, “Nga kakane amuto, puase Jon ti Haeu kilami i ailean se pamu tuah ti puase hatesol seilon liai. Tuahe kalak teka ti pate naun leili teka seilon Haeu neneini, anesoalaha sale nenein ti Haeu pamu lapan ti Jon.”

Luk Meng solian ti Jises tataiai Luk 7:28 ပူးပေါင်းရင်းမြစ်များ

Matiu 11:11

Nga hone amuto, puase Jon ti Haeu kilami i ailean, se pamu tuah ti puase hatesol seilon liai. Tuahe kalak teka ti pate naun leili teka seilon Haeu neneini, anesoalaha sale nenein ti Haeu pamu lapan ti Jon.

Matiu 3:1

Hina ahang tamusua Jon Baptis i hutui ahutiai kakai Haeu ti i nahih hahaniwa he lohong ti Judia.

Luk Meng solian ti Jises tataiai Luk 3:16

Ape Jon kakane laha, “Nga baptaisi amuto ani kan tuahe tel i luluainima muhik, taen i baptaisi amuto i hani amuto *Holi Spirit ti kapitiamuto. I pamu masiwian tetak. Masiwiaian ala i kum pon nga unauan.

Luk Meng solian ti Jises tataiai Luk 7:27

Jon i tel seilon Haeu kakaxi leili pepaun. Haeu kakane tel Natun i ukek, “ ‘Nga talo tel ahutiai kakaiak imat tetam ti apeseniai seilon ti sohotuam.’ ” (Mal 3:1)

Luk Meng solian ti Jises tataiai Luk 7:29

Kilan teka seilon naun, tataen *teka waxiai moni ti teka Ju, ti laha hongoa, laha paxai tioi ka waliko ti Haeu namiloi peleiwen pate sawisawin. Aile ape laha towiahu ti lialui woulaha hani Haeu ape Jon baptaisi laha.

Luk Meng solian ti Jises tataiai Luk 9:48

I ukek, “Tel na i waxi auni akaik masin ie nake nga, se i aunini nga. Ape tel i waxi auni nga, i waheni tel Tamak Haeu, tetel i taloma nga. Tel na i teheni i ape i huali seilon liai, tel seilon ien Haeu namiloi ukek ka i pate tuah.”