Luk Meng solian ti Jises tataiai Luk 6:25 - Seimat

²⁵ Haeu axi kawatan hani teka pahalaha kum is usiai namilon. Laha tae ti lawe waliko. Haeu axi kawatan hani teka namilolaha mewenae ti hamuamuaialaha. Imuh laha tunahi tatahan ma tangitangi.

Luk Meng solian ti Jises tataiai Luk 6:25 ပူးပေါင်းရင်းမြစ်များ

Luk Meng solian ti Jises tataiai Luk 12:20

“Tuahe Haeu kakane i, ‘O pate tap namilom. O mat ipong tetehu ie ape seilon liai uke hatesol soxiam.’ ”

Luk Meng solian ti Jises tataiai Luk 13:28

Jises kak tatale ukek, “Ape taen ien amuto ningahi Abraham, Aisak, *Jekop ma *teka kuluiai kakai Haeu lato hatesol kapi Haeu leili tonan, a amuto, Haeu halini amuto soh. Aile ape amuto tang ma atalahi nisumuto ti lialui lomuto ma ti lalape moloan.

Luk Meng solian ti Jises tataiai Luk 6:24

“Tuahe Haeu axi kawatan hani teka pahalaha kum is i neini ma ngahati laha. Haeu kum axi laha waliko solian nake laha ukek laha pono ti lawe waliko ti aope ie.

Luk Meng solian ti Jises tataiai Luk 6:26

Haeu axi kawatan hani teka pahalaha wanen seilon sameniwa laha. Ien masin teka woinakon ka kuluiai kakai Haeu teka seilon ti matahaun sasameni.”

Luk Meng solian ti Jises tataiai Luk 8:53

Tuahe laha hatesol mal soxeni Jises nake laha tioi ka tel akaik i matewen.

Epesus 5:4

Amuto kum ailele kakain tenen ti hienain, kakain tenen tap pupuasan ma kakain lialun ti wawan hehin. Amuto kak nonoa kemulik hani Haeu ti lawe waliko solian i hahani amuto.

1 Tesalonika 5:3

Tataen ien, na seilon ukek lawe waliko ape solian ma taun lialun kum tunahi laha, kawatan lalap sohot hahutuia hani laha hanowi moloan ti hehin na i hatakaha akaik. Ape laha kum salia uke.

Jeims 4:9

Tang tahanewa nake ti lialui woumuto. Kum tua amumuke waliko ti tehu pon ie tuahe towiahua ti lialui woumuto ape usiwa Haeu.

Hahatakei Haeu 3:17

Amuto ukek ka amuto tapai hawanewen ti lawe waliko. Tuahe amuto kum paxai tioi ka amuto tae hawane waliko ti Haeu pahan. Amuto seilon tenen tap wanen amuam. Amuto masin teka pulaxa ma makahul. Ala amuto hienake aliakewa woumuto.