Luk Meng solian ti Jises tataiai Luk 5:17 - Seimat

¹⁷ Ngain tehu ti Jises hahanau teka seilon, teka *Parisi ma *teka hanaui nauna ti Moses laha toto ien. Laha luama ti Jerusalem, Judia ma kilan toan ti Galili. Haeu tel Masiwi hapohea Jises ti haewiai teka tinun.

Luk Meng solian ti Jises tataiai Luk 5:17 ပူးပေါင်းရင်းမြစ်များ

Matiu 11:5

Teka pulaxa, laha nahih hanima kapik ape laha paxapax, teka laha kum nanahih ape laha nahih uke, teka hina nax lialun he tinulaha, laha ewi, teka taxingalaha sutu ape laha hong uke kakain. Teka maten laha moih alia ape teka pahalaha wanen Haeu neini ma ngahati laha, laha hongohong meng solian ti Haeu.

Matiu 15:1

Lokon ien teka *Parisi ma *teka hanaui nauna ti Moses laha nahima Jerusalem hani kapi Jises. Laha kamei i,

Mak Meng solian ti Jises tataiai Mak 1:45

Tuahe ti tel seilon nahiwa, i kaxi sawateni ka tinun ape i ewiwen. Aile ape Jises kum nahih hani taon ti leili seilon kilan. I tua nanahih melal ti taon tuahe seilon nahih tatale hani kapin.

Mak Meng solian ti Jises tataiai Mak 16:18

Na laha akeni weiko tenen i hamange seilon ma unumi unum tenen hina suhasuh, i kum halialu laha. Ape na laha lotu hana minalaha patul ti teka tinun, laha ewi.”

Mak Meng solian ti Jises tataiai Mak 3:22

*Teka hanaui nauna ti Moses nahima ti Jerusalem lato ukek, “Jises spirit lialun kapiti halialuawen! Satan axi i poh ti xaxaweniai spirit lialun.”

Mak Meng solian ti Jises tataiai Mak 5:30

Taen ien Jises ilameni ka pohen i puasawen. I toheawa ape i kamei teka seilon, “Aita tel i soti puxuauk?”

Mak Meng solian ti Jises tataiai Mak 7:1

Telao tesol hanaui nauna ti Moses nahima Jerusalem. Lato ma tesol *Parisi apuha kalini Jises.

Luk Meng solian ti Jises tataiai Luk 15:2

Tuahe teka *Parisi ma *teka hanaui nauna ti Moses lato howini woun. Lato ukek, “Tel seilon ie i lawai teka seilon woulaha lialun ma i ang akati laha.”

Luk Meng solian ti Jises tataiai Luk 2:46

Ngain toluhu tamusua lalu tunahi i leili Ingi Haeu, toto kapi teka hanaui kakai Haeu ma saun ti teka Ju. I hongohong lato ma kakamei hina kamekame.

Luk Meng solian ti Jises tataiai Luk 5:21

Teka Parisi ma teka hanaui nauna ti Moses laha he kakak alia puki laha, “Kalahai i kak ukek? I kak hanowi i Haeu! Aita pon oxoxiakako ti kawatan ti saun lialun? Mewenae Haeu!”

Luk Meng solian ti Jises tataiai Luk 5:30

Tuahe teka Parisi ma teka hanaui nauna ti Moses laha kahiloloi teka kahikahi Jises, laha ukek, “Kalahai amuto ang ma un akati *teka waxiai moni ti teka puki akikilaha ma teka woulaha lialun?”

Luk Meng solian ti Jises tataiai Luk 6:19

Lawe seilon ien tohongi sotiai Jises nake Haeu hapohea i haewiai teka seilon tinun.

Luk Meng solian ti Jises tataiai Luk 7:30

Tuahe teka *Parisi ma *teka hanaui nauna ti Moses lato kum nam waxi waliko ti Haeu namiloi peleiwen ti lato. Aile ape lato kum towiahu ti lialui woulato ape Jon tai baptaisi lato.

Luk Meng solian ti Jises tataiai Luk 8:46

Tuahe Jises ukek, “Tel seilon sotiwen nga, kumahe ka i tua soti nake nga ilameni hina poh i ahutawen tetak.”

Jon Meng solian ti Jises tataiai Jon 3:10

Jises pahoi i ukek, “O tel seilon tuah hanaui teka Ju a o kum tioi tenen nga kakak.

Jon Meng solian ti Jises tataiai Jon 3:21

A teka seilon laha hong usi kakai Haeu, laha waheni xewan ma laha kum namiloi na seilon liai ningahi waliko ti laha ailele nake laha ailele saun tenen Haeu pahan.”

Aposel 19:11

Haeu hani Pol poh ti ailei waliko tenen lalap wanen.

Aposel 4:30

Hanima amite pohem ti haewiai seilon ma hasohotui kolakol tenen lalap hahitake axe tel unauam Jises.”

Aposel 5:34

Tuahe tel ti lato axan Gamaliel, i tel *Parisi a tin tel hanaui nauna ti Moses, i tule ape i talo tesol aposel hanimu melal. Gamaliel pate lawe seilon hong kakaian.