Luk Meng solian ti Jises tataiai Luk 24:44 - Seimat

⁴⁴ Muhin i hone lato, “Ti nga tutuen kapimuto nga honewen amuto ka waliko ti laha taiwen leili pepai Moses, teka kuluiai kakai Haeu ma leili pepai *Salm i kakak nga, liai i sohot poponowi.”

Luk Meng solian ti Jises tataiai Luk 24:44 ပူးပေါင်းရင်းမြစ်များ

Matiu 1:22

Hatesol waliko ie i sohot hapoponowi hawane kakai Haeu masin ti tel seilon kuluiai kakaian kakawen, i ukek,

Matiu 16:21

Lokon ien Jises hutui kakane tesol kahikahin ukek, “Nga nahih hani Jerusalem. Ti ien teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha axi nga kawatan ma moloan lalap. Laha telei nga tuahe muhi ngain toluhu nga xahat alia.”

Matiu 26:54

Tuahe na Haeu aile ukek ien, kakain ti kakai Haeu kaxiwen i kum sohot poponowi.”

Matiu 26:56

Tesol waliko ie i sohot hapoponowiai kakain ti *teka kuluiai kakai Haeu taiwen.” Lokon ien hatesol kahikahin kiliwau salili i.

Mak Meng solian ti Jises tataiai Mak 9:31

Pahan i hanau tesol kahikahin. I ukek, “Nga tel Nati Seilon, laha hangaini hani teka seilon ape laha telei. Tuahe muhi ngain toluhu nga xahat alia.”

Luk Meng solian ti Jises tataiai Luk 21:22

Taun tehu ien, Haeu axi kawatan hani teka seilon ti *Israel nake laha kum hong waxi i. Waliko ien i sohot haponowiai waliko ti *teka kuluiai kakai Haeu tai kilamiwen leili pepaun.

Luk Meng solian ti Jises tataiai Luk 22:37

Waliko ti Haeu kakawen i sohot hani nga, sikole ape i sohot ti i ukek, ‘Laha aile hani i hanowi tel seilon woun lialun.’ ” (Isa 53:12)

Luk Meng solian ti Jises tataiai Luk 24:46

I hone lato, “Kakain ti leili pepai Haeu i ukek ka Krais tunahi kawatan ma moloan lalap ape i mat tuahe muhi ngain toluhu i moih alia.

Luk Meng solian ti Jises tataiai Luk 9:22

Tin i kakane lato ukek, “Nga *tel Nati Seilon, nga kau kilan kawatan ma moloan lalap. Ape teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha watakai hawane nga. Laha telei nga tuahe muhi ngain toluhu nga xahat alia.”

Luk Meng solian ti Jises tataiai Luk 9:44

“Hong konginiwa! Nga tel Nati Seilon, laha hangaini hani he mini teka seilon laha watakai hawane nga.”

Jon Meng solian ti Jises tataiai Jon 3:14

Nga kakane amuto, masin ti he lohong, *Moses tulini hana tok weiko samen patul he pata ti awaiai teka Ju, tin masin laha hakea nga tel Nati Seilon hani patul he *kros lehe teka laha soh tetak, laha uke *tonain kapi Haeu ti tap tahi tapoan.

Jon Meng solian ti Jises tataiai Jon 5:39

“Lawe ngain amuto ridai upia eliliel salangawe kakain leili pepai Haeu nake amuto sokok i hani amuto *tonain kapi Haeu ti tap tahi tapoan. Tuahe amuto sel hawane nake leili pepai Haeu i kakaxi nga tel Haeu taloma.

Jon Meng solian ti Jises tataiai Jon 5:46

Na amuto hong sohola kakai Moses, tin ala amuto hong soh kakaiak nake waliko ti Moses tai kakaxi, se i kakak nga.

Aposel 13:33

Waliko ti Haeu kakanewen tesol tamakako ti matahaun i hapoponowi hani kako tesol kahi natulato ti i hamoiha aliake Jises. Masin ti Haeu kakawen leili pepai *Salm, i ukek, “ ‘O se Natuk. Nga kilamiwen o ailei puasak.’ (Ps 2:7)

Aposel 13:40

Lepetawa uke waliko ti Haeu kakawen leili pepai tel kuluiai kakaian i sohot hani amuto.

Aposel 2:27

Haeu, nga soh o kum aka lioi nga leili amal. O kum hakoha lioi tupuak leili amal nake nga tel unauam lolowi.

Aposel 3:18

Tuahe Haeu kakanewen teka kuluiai kakaian ape laha kak kilamiwen ka Krais tel Nati Haeu, liai i kau kawatan ape se i sohotuen.

Aposel 7:37

“Moses tin tetel i kakane teka Israel, ‘Imuh Haeu hani amuto tel kuluiai kakaian. I puki tel akikikako masin nga.’ (Deut 18:15)

Hibru 10:1

*Nauna ti Moses i tuahe kolakol ti waliko solian ti ape Jises Krais aile haniwen kako. Ahang tehu ma tehu teka *masiwi ti hukuminiai Haeu ma seilon laha to aile hahani Haeu waliko ti xaxaweniai kawatan ti saun lialun ti teka seilon. Tuahe tesol waliko ien i kum pon hasawiai teka laha nahima lotuiai Haeu lehe laha sohot seilon sawisawin tapein ti pulan.

Hibru 3:5

Moses ngahati hasolia hawane teka seilon ti Haeu a i tuahe unauan. Pupuasan kola waliko tenen ti na Haeu kaxi haxewa imuh.

Hibru 7:1

Melkisedek tel ti imat. I masiwi ti Salem tehu taon lalap ma tin masiwi tapein ti hukuminiai Haeu ma seilon. I ailele puase Haeu tel axan lalap tapein. Ti *Abraham aliliama ti hile, muhin ti i xoiniwa tesol hinalo masiwi lato neneini lawalawai seilon, Melkisedek nahih tengeni i ape kamei Haeu aile hasolia hanian.

Hibru 9:8

Ti sale usiai saun tesol ien, *Holi Spirit haxewa hani kaha ka hahalin ti teka seilon soh hani tesol Tuah Tapein ti Haeu nake laha tutuen hahitake tenen aweisal ti hukuminiai seilon hani Haeu usiai *nauna ti Moses. A tehu ing sosoxope ti Haeu i tu kikilami tenen aweisal ien.

1 Pita 1:11

Laha eliel hawane tioi aluiniai tesol waliko ien ti Spirit ti *Krais hanamiloa laha kak kilamiai lalape moloan ma matei Krais hetekie lawe waliko pate solian muhin.

Hahatakei Haeu 19:10

Ti nga hongoa, nga lokuha lakua hani itan lotuian tuahe i kakane nga, “Kum ailele ukek ien! Haeu tetel ala o lotui. Nga tuahe unaui Haeu masin o ma teka akikikalu ti *Krais, teteka laha tu xoxox usiai kakain salan tetan. Na seilon hong auni tenen kakain ien, lawe waliko ti laha kaxi ahuhuti se kakain salan i ahuma ti Haeu.”