Luk Meng solian ti Jises tataiai Luk 24:36 - Seimat

³⁶ Lokon ti lalu to kakaxi hani lato tesol waliko ien, Jises take hahutuia hani kapi lato ape i hone lato ukek, “Amuam ti Haeu hani amuto.”

Luk Meng solian ti Jises tataiai Luk 24:36 ပူးပေါင်းရင်းမြစ်များ

Matiu 10:13

Na seilon ti leili ing waxi auni amuto, amuto axiwa laha amuam ti Haeu. Na laha kum waxi auni amuto, amuam ti Haeu i alia hani kapimuto.

Mak Meng solian ti Jises tataiai Mak 16:14

Tapeinan Jises take hani kapi huopanim tel kahikahin ti lato angiang. Jises tumei lato nake lato kapaxe i ma lato kum hong soh teka laha ningahiwen ka i moih aliawen.

Luk Meng solian ti Jises tataiai Luk 10:5

“Na amuto soh hani ing tehu, amuto kak kewak, ‘Amuam ti Haeu hani amuto.’

Jon Meng solian ti Jises tataiai Jon 14:27

“Kum hahakawata tiamuto ti tenen na waliko ma kum maamata. Nga tel hapaui namilomuto ma tiamuto. Ti nga aile ukek, namilomuto ma tiamuto heh hawane, kumahe masin ti seilon aile hahani amuto.

Jon Meng solian ti Jises tataiai Jon 16:33

Nga kakane amuto waliko ie lehe namilomuto ma tiamuto i ewi hawane ti amuto pakata xox kapik. Ti tehu pon ie amuto tunahi kilan kawatan tuahe tu xoxoa. Nga waxainiwen pohe Satan ma lawe waliko lialun.”

Jon Meng solian ti Jises tataiai Jon 20:26

Muhi puasain tehu, tesol kahikahi Jises hukuma ulea leili ing ape Tomas tin kapi lato. Kalak aweing konginan, Jises take tu hani kapi lato. I ukek, “Amuam ti Haeu kapimuto.”

Aposel 1:3

Leili 40 ngain muhi matean i sohot take kila hani kapi lato. I kola ka i moih aliawen. Lokon ien i kakane lato sale nenein ti Haeu.

1 Korin 15:5

Muhin Jises Krais take hanimu tel *aposel Pita ape imuh i take hani huopanim tel aposel.

1 Korin 15:7

Imuh i take hani Jeims ape muhin kapi hatesol aposel liai.

2 Tesalonika 3:16

Nga kamei tel Masiwi Jises tetel i aile hasolia tiakaha, lehe lawe i aile haewia leilomuto ti sale haewian tenen tenen. Tel Masiwi Jises kapimuto hatesol.

Hahatakei Haeu 1:4

Nga tai hahani teka kahikahi Jises Krais laha leili tepanim huohu taon ti texux xux Asia. Nga kamei Haeu, *Holi Spirit ma Jises Krais kola haniamuto lalape soliaialato ma hatona hasoliai tiamuto. Haeu hoi liai ti imat, aope ma tin i luluainima tutuen ma Holi Spirit liai lawe kapin, tetel neiniai lawe waliko.