Luk Meng solian ti Jises tataiai Luk 22:66 - Seimat

⁶⁶ Ti letua teka masiwi tenen tenen ti teka Ju, laha apuha hukuma. Leilolaha tesol masiwi tuah ti hukuminiai Haeu ma seilon ma tesol hanaui nauna ti Moses. Ape laha ati Jises hani mateiwaulaha.

Luk Meng solian ti Jises tataiai Luk 22:66 ပူးပေါင်းရင်းမြစ်များ

Matiu 27:1

Ti pate letu wanen teka masiwi tuah ti hukuminiai Haeu ma seilon, ma teka masiwi liai ti teka *Ju, lato aile ngah namil ti sale teleiai Jises.

Matiu 5:22

Tuahe nga kakane hawane amuto, tel na i tua lengeini lalolal seilon, i tu ti sulusulu ti puli Haeu. Ape tel na i kak halialu seilon liai i ukek, ‘O tap pupuasam,’ laha sului i hani teka masiwi. Ape tel na i kak halialu seilon liai i ukek, ‘O taxitaxia,’ i kane tehot ah lalap tap tahi pehoan.

Mak Meng solian ti Jises tataiai Mak 15:1

Pate letu wanen, hatesol masiwi ti teka *Ju apuha ailei namil ti waliko tenen na lato aile hani Jises. Lato xioti i ape hakahita hani kapi Pailat, tel ti teka masiwi ti *Rom kiliwakei Judia.

Jon Meng solian ti Jises tataiai Jon 18:28

Ti pate uli letu, laha hakahita Jises ti ingi Kaiapas hani tehu ingi Pailat, tel ti teka masiwi ti Rom. Tuahe hahalin ti teka Ju soh hani tehu ing ien nake se ingi *teka kumahe Ju. Na laha soh, laha kum pon aniai an ti *Pasova nake laha ape lolo.

Aposel 22:5

Tel masiwi tapein ti hukuminiai Haeu ma seilon ma hatesol masiwi liai pon kaxi haniamuto ka kakaiak salan. Nga kema pas ti lato haniai teka masiwi ti tesol *synagog leili Damaskas, i kaxi ka nga pon xotiai teka kahikahi *Jises ape hakahita kalabusialaha hani Jerusalem.