Luk Meng solian ti Jises tataiai Luk 20:38 - Seimat

³⁸ Aile ape i Haeu ti teka moihin kumahe teka maten nake i nam paxai ukek seilon tetan laha lawe moihin tutuen.”

Luk Meng solian ti Jises tataiai Luk 20:38 ပူးပေါင်းရင်းမြစ်များ

Matiu 22:32

‘Nga Haeu tetel ti Abraham, Aisak ma Jekop lolotui.’ ” (Exod 3:6) Ape Jises ukek, “I Haeu ti teka seilon moihin nake teka seilon tetan laha matewen, laha kumahe salan maten.”

Mak Meng solian ti Jises tataiai Mak 12:27

I Haeu ti teka seilon moihin nake teka seilon tetan laha matewen laha kumahe salan maten. Namilomuto kumahe salan ka seilon maten i kum moih alia.”

Luk Meng solian ti Jises tataiai Luk 20:39

Teka hanaui nauna ti Moses hongoa ape lato ukek, “Tel masiwi, kakaiam sawisawin wanen.”

Jon Meng solian ti Jises tataiai Jon 14:19

Kum kue ape teka seilon kumahe ti Haeu laha kum ningahi nga tuahe amuto ningahi ulei nga. Ape kalak amuto mat, amuto moih ulea nake nga moih ulea.

Jon Meng solian ti Jises tataiai Jon 6:57

Masin ti tel Tamak Haeu taloma nga, i aile lehe nga moih lian tehue, tin masin na amuto to hawane kahikahik wanen, nga aile lehe amuto moih lian tehue.

2 Korin 13:4

Kalak laha tahi hakea telei i hanowi ka i tap poh, aope ie ti pohe Haeu i moihin. Amite tin kakau kawatan ma moloan nake ti *Jises, tuahe ti pohe Haeu amite pakata xoxox kapin ma pupuas wasolamuto.

2 Korin 6:16

Kako tioi ka hahalin na seilon kau waliko tenen laha tua tanomi hani leili *Ingi Haeu lehe laha lotui. Tin masin kako kum huhukuma kapi teka laha lolotui tesol waliko ien. Kako se masin Ingi Haeu tel pohen tapein nake Holi Spirit ingangai leilokako. Masin ti Haeu kakawen i ukek, “Lawe nga akakati teka seilon tetak ma lawe nga huhuali laha. Laha paxai tioi ka nga se Haeu tel Masiwi ti laha ape nga namiloi ukek laha se seilon tetak wanen.” (Lev 26:12)

Hibru 11:16

Tuahe namilolato i eliel hahawane ti ukei tesol totonalato ti pamu soliaian, tetesol kapi Haeu. Aile ape Haeu amuke ti lato namiloi ukek i Haeu Masiwi ti lato. Ape i apeseni hani lato tesol tonain tuah kapin leili tehu taon tetan.

Hahatakei Haeu 22:1

Imuh tel *engel kola hani nga tehu kan i xiwewema ti tehu totoan tuah ti Haeu ma tok *sipsip uluha. I pate xewan ma i talepalep. I se tehu kan tuah i kikilami *tonain kapi Haeu ti tap tahi tapoan.