Luk Meng solian ti Jises tataiai Luk 19:47 - Seimat

⁴⁷ Muhin Jises hanau teka seilon leili Ingi Haeu lawe ngain. Tuahe teka masiwi tuah ti hukuminiai Haeu ma seilon, *teka hanaui nauna ti Moses ma teka masiwi liai, lato upiup aweisal ti teleian.

Luk Meng solian ti Jises tataiai Luk 19:47 ပူးပေါင်းရင်းမြစ်များ

Matiu 21:23

Ti Jises hahanau teka seilon mate Ingi Haeu, teka masiwi tuah ti hukuminiai Haeu ma seilon, ma teka masiwi liai nahih hani kapin ape kamei i, “Aita hone o ailei waliko ti o ailele? Aita sowini hani o?”

Matiu 26:55

Jises hone teka seilon, “Amuto nahih hetekiema paumuto ti hile waxiak hanowi ka nga seilon lengean. Lawe ngain nga to hahanau teka seilon leili *Ingi Haeu tuahe amuto tai pohi nga lokon ien.

Mak Meng solian ti Jises tataiai Mak 11:18

Teka masiwi tuah ti hukuminiai Haeu ma seilon, ma *teka hanaui nauna ti Moses, lato hongoa waliko ti Jises ailewen ape lato upiup aweisal ti teleian. Lato mamata i nake kilan seilon sameni waliko ti i hahanau laha.

Mak Meng solian ti Jises tataiai Mak 12:12

Tesol masiwi ti teka *Ju lato tioi ka meng ti Jises kakaxi i kak nanami lato. Aile ape lato upiup aweisal ti pohian tuahe lato mamata teka kilai seilon kapin ape lato nahih salili i.

Mak Meng solian ti Jises tataiai Mak 14:1

Lawe ahang teka *Ju aile angiain lalap ti nameniai ngain ti lokon Haeu waxi aliake teka tamalaha ti matahaun leili *Igip. Ngain tehu hutuan laha ani *sipsip wawan uluha, tenen angiain ien laha axai *Pasova. Ape tesol ngain muhin laha ani bret tenen i tai xiu. Ngain huohu imat ti Pasova, teka masiwi tuah ti hukuminiai Haeu ma seilon, ma *teka hanaui nauna ti Moses, lato sasakal aweisal ti seilon kum tioi lehe lato xoti Jises ape hakahita hani teka teleian.

Mak Meng solian ti Jises tataiai Mak 14:49

Lawe ngain nga to hahanau seilon leili *Ingi Haeu a amuto tai pohi nga. Tuahe kakai Haeu i sohot poponowi hani nga.”

Luk Meng solian ti Jises tataiai Luk 19:48

Tuahe laha kum pon nake kilan seilon kapi Jises laha hong mamataini kakaian.

Luk Meng solian ti Jises tataiai Luk 20:19

Teka hanaui nauna ti Moses ma teka masiwi tuah ti hukuminiai Haeu ma seilon, ti lato hongoa tenen meng Jises kakaxi, lato tioi i kak nanami lato. Pahalato xoti hulutiniai Jises tuahe lato mamata uke teka seilon hutui hile nake laha sameni i.

Jon Meng solian ti Jises tataiai Jon 10:39

Ti laha hongoa, laha tohongi ulea pohiai Jises tuahe i kuosel ti laha.

Jon Meng solian ti Jises tataiai Jon 18:20

Jises kak pahoi i ukek, “Lawe nga kak hehei ti taxingi seilon. Nga hahanau laha leili *synagog ma leili Ingi Haeu, tetesol ti teka Ju apuha hehetekie. Nga kum kak mumuneni tenen na waliko.

Jon Meng solian ti Jises tataiai Jon 7:19

*Moses hani amuto nauna ti Haeu, kewak? Tuahe tap tel ti amuto puas usiusi. Ape kalahai amuto tohongi teleiak?”

Jon Meng solian ti Jises tataiai Jon 7:44

Teka pahalaha laha xoti Jises tuahe tap tel aka pohiwen i.