Luk Meng solian ti Jises tataiai Luk 12:33 - Seimat

³³ “Hangainiwa soxiamuto lehe amuto axi moni hani teka seilon totonalaha lialun. Hani hatapoa kuimuto ma namilomuto haniwa Haeu. Ie masin ka amuto apepeseni kahumuto ti tonan. Tesol ien tap tahi lialuan ma tap teka xuxuina.

Luk Meng solian ti Jises tataiai Luk 12:33 ပူးပေါင်းရင်းမြစ်များ

Matiu 19:21

Jises hone i, “Na paham Haeu namiloi ukek o seilon sawisawin wanen, nahih hangaini hatapoa soxiam ape moni haniwa teka seilon tap soxi lehe imuh o uke kahum ti *tone Haeu. Ape nahih kahitima nga lehe o sohot kahikahik.”

Luk Meng solian ti Jises tataiai Luk 11:41

Ti leili atemuto, axiwa teka seilon waliko ti laha tap. Na amuto aile ukek, i kola ka amuto kum nam waxi ka auni hauniai waliko i pate tuah. Na masin ien, Haeu namiloi ukek amuto haun ma sawisawin.

Luk Meng solian ti Jises tataiai Luk 12:21

Ape Jises ukek, “Salan wanen, seilon tenen tap namilon i apuhini hakila soxi mewenae tetan a i kum aile waliko tenen Haeu namiloi ukek ka pate tuah.”

Luk Meng solian ti Jises tataiai Luk 16:9

Nga hone amuto, hapuasawa moniumuto ti hualiai seilon. Na amuto aile ukek ien, amuto tunah lohumuto. Kalak na moniumuto tapo, imuh Haeu waxi auni amuto hani tesol tonan.

Luk Meng solian ti Jises tataiai Luk 18:22

Ti Jises hongoa kakaian i ukek, “Tenen waliko tutuen o tai aile. Nahih hangaini hatapoa soxiam ape moni haniwa teka seilon tap soxi lehe imuh o uke kahum ti *tone Haeu. Ape nahih kahitima nga lehe o sohot kahikahik.”

Jon Meng solian ti Jises tataiai Jon 12:6

Kumahe i kak ukek ien nake i tahane teka seilon tap soxi tuahe nake i seilon tenen xuxuina. I tetel auniai moniulato ape hina lawe i xuina.

Aposel 2:45

Lato hangaini soxialato ape sei moni hani hualiai teka tap soxi.

2 Korin 8:2

Kalak lato to kakau kawatan lalap tenen tenen, amuam ti lato lalap wanen. Kalak soxialato pate palai, lato seilon tenen pate ongawi.