Luk Meng solian ti Jises tataiai Luk 10:27 - Seimat

²⁷ Tel seilon pahoi ukek, “Nauna ti Moses kak ukek, ‘Waheni hawanewa Haeu tel Masiwi ti amuto, xoiniwa ti amuto waheni teka seilon liai. Amukewa Haeu ti leili tiamuto, namiloi eliel hawanewa i ma aile hatapoa puasan ti hatesol kuimuto. Ape waheniwa seilon liai hanowi ti amuto waheni aliake amuto.’ ” (Deut 6:5; Lev 19:18)

Luk Meng solian ti Jises tataiai Luk 10:27 ပူးပေါင်းရင်းမြစ်များ

Matiu 19:19

Hongoa kakai tamam tinam ma aile hasolia haniwa lalu ma waheniwa seilon liai hanowi ti o waheni aliake o.’ ” (Exod 20:12-16; Lev 19:18)

Luk Meng solian ti Jises tataiai Luk 10:26

Jises kak pahoi ukek, “Tesol *nauna ti Moses kak ukek ia sale ukei tonain kapi Haeu tenen tap tahi tapoan? O namiloi ukek ia kakain ien?”

Rom Teik pasi Pol hani teka kahikahi Jises Krais ti Rom 13:9

Nauna ti Haeu ukek, “Kum tetelei seilon, kum ailele saun lialun ti wawan hehin, kum xuuxuina, kum tua isiis waliko ti seilon liai.” (Exod 20:13-15,17) Tesol nauna ien ma hina nauna liai, hatesol lohiama leili teik nauna ti Haeu ie, “Waheniwa seilon liai hanowi ti amuto waheni aliake amuto.” (Lev 19:18)

Galasia 5:13

Tesol akikik ti Krais, Haeu pahan amuto hamalumua oxoxain ti hahitake nauna ti Moses. Tuahe kumahe ka amuto oxoxain lehe amuto tua aile saun lialun. Amuto he huhualawa lehe i kola ka amuto ailele saun ti wawahen.

Hibru 8:10

Tuahe imuh nga xinoti tenen namil haun kapi teka seilon tetak. Nga hana kongini nauna tetak leili namilolato, nga aile tesol nauna tetak i sohot tone atelato wanen. Ape nga sohot hawane Masiwi ti lato ma lato sohot hawane seilon tetak.

Jeims 2:8

Sawisawin wanen na amuto puas usi tenen nauna pate tuah ti Haeu tel Masiwi ti i ukek, “Waheniwa seilon liai hanowi ti o waheni aliake o.” (Lev 19:18)

1 Jon 3:18

Teka soliai natuk, wawahen kumahe i sohotuma mewenae ti kakaiakako. Kako kola hawanewa wawahen wanen ti soliai pupuasakako.