Kolosi 2:3 - Seimat

³ Se pate tuah wanen na kako tioi hawane Jises Krais. *Krais tel haxewaiakako lehe kako aneso alua hawane kakain tuah ti Haeu ma lawe waliko.

Kolosi 2:3 ပူးပေါင်းရင်းမြစ်များ

Matiu 10:26

“Kum maamata tuahe seilon. Waliko ti i atutuha ma na mumuna aope ie, imuh Haeu hatakei.

Luk Meng solian ti Jises tataiai Luk 11:49

Nake ti tenen ien, ti anesoi Haeu hoi i kakawen ukek, ‘Nga talo teka kuluiai kakaiak ma teka *aposel hani teka *Israel. Laha telei teka ma aile halialu teka.’

Rom Teik pasi Pol hani teka kahikahi Jises Krais ti Rom 11:33

Malehe lalape soliai Haeu ma anesoan. Ti lalape titioan, waliko ti i aile mewenae sawisawin. Tap tel pon nexi haxewai namilon. Kaha kum xeu wanen sale pupuasan.

1 Korin 1:24

Tuahe teteka Haeu kilamiwen laha seilon tetan ape laha soh hawane kakaian, ti leili teka Ju ma teka kumahe Ju, laha paxai tioi ka Jises Krais kola hawane pohe Haeu ma anesoan.

1 Korin 1:30

Haeu se tetel i pakateni amuto kapi Jises Krais. Kako uke solian ti anesoi Haeu ti Jises Krais mat awaiakako. Nake ti waliko tenen ti Jises Krais ailewen, wasolakako kapi Haeu i sawi, kako oxoxa ti hahitake saun lialun ma kako hani hatapo Haeu tupuakako.

Epesus 1:8

I hani hakila hawane kako waliko solian tenen tenen hetekie lawe anesoin ma namil tenen xewan.

Kolosi 1:19

Nake ti puki namili Haeu, tel Natun hina lawe waliko masin i, tel Taman.

Kolosi 1:28

Aile ape amite kaxi sale puase Krais hani lawe seilon. Amite hone laha ti hong usiai Haeu ma amite hanau laha hetekie anesoan lehe i paxai tioi ka namilolaha tel tel xoxoan wanen ti Krais ma laha hani hatapo i tupualaha.

Kolosi 1:9

Aile ape lilian ti amite hongoa sale puasamuto, lawe amite lotu huali amuto. Amite kamei Haeu haxewa haniamuto waliko ti pahan amuto ailewa ma haxewai namilomuto sale usiai aweisalun hetekie huhual ti Holi Spirit.

Kolosi 3:16

Namiloi eliel hawanewa kakai Krais lehe i kapiti amuto na amuto hanau seilon ma nau laha ti hong usiai Haeu. Amuto aile aka matainiwa. Ape pak hawanewa ti leili atemuto pak tenen tenen ti sameniai Haeu ti lawe waliko i aile haniwen amuto.

Kolosi 3:3

Amuto aile kewak ien nake lialui woumuto ti amuto to ailele imat ape i tapoen. Aope amuto puas pakata hehetekie kapi Krais. Ape teteka seilon laha kum soh ti Haeu, laha kum xeu tenen saun haun ti amuto.

2 Pita 1:5

Amuto soh ti Krais tuahe tin puas elieliwa ailei lawe waliko solian ma upia halapa ahekewa anesoin.

Hahatakei Haeu 2:17

“Na amuto hina taxing ti hongoi kakain, amuto hong matainiwa waliko ti Holi Spirit kaakane teka kahikahik. Tel na i waxaini saliniai totohong ma lawe waliko lialun, nga axi i an tuah ti Haeu alolomeni hani kahun. Tin nga hani i tehu hat papaxaxun hina tenen ax haun ti Haeu taiwen. Tap tel seilon tioi tenen ax ien, mewenae tetel ukei tehu hat.”