Jon Meng solian ti Jises tataiai Jon 8:44 - Seimat

⁴⁴ Ien se nake amuto nati tel tamamuto Satan ma pahamuto wanen puas usiai namilon. Ti pate uli hutuan, i tel halialu tamusukei seilon ma i kum xeisa waxi waliko tenen salan nake tap wanen i kakak waliko tenen salan. Ti i kak puputa, i aile ti puki saun tetan nake i weli puputa ma i se tel tame puputa.

Jon Meng solian ti Jises tataiai Jon 8:44 ပူးပေါင်းရင်းမြစ်များ

Matiu 12:34

Amuto masin noh! Amuto kak ukek ia kakain solian na amuto seilon lialun? Kakain ti seilon ahuti i ahutama ti namilon.

Matiu 13:15

Nake patulaha pate ailan, taxingalaha kilakilan a pulalaha masin pulaxa. Kaie ala laha ningahiwen ma hong xewawen ma towiahuen ti lialui woulaha ape nga aile haewiawen laha.’ ” (Isa 6:9-10)

Matiu 13:38

Tesol kin se lawe xux itan ie. Peteta se teka unaui Haeu a kango se teka unaui Satan.

Jon Meng solian ti Jises tataiai Jon 6:70

Jises kakane tesol huopanim huhua kahikahin, “Nga kilami amuto *aposel tetak tuahe tel ti leilomuto, *Satan kapiti ma hapuasa i.”

Jon Meng solian ti Jises tataiai Jon 7:17

Tel na i aile usiusi namili Haeu i tioi ka waliko ti nga hahanau seilon i ahuma ti Haeu kumahe puki namilok.

Jon Meng solian ti Jises tataiai Jon 8:38

Nga kakak waliko tetenen tel Tamak kola haniwen nga tuahe amuto ailele waliko tetenen tel tamamuto hohone amuto.”

Jon Meng solian ti Jises tataiai Jon 8:41

Amuto aile waliko tenen tel tamamuto ailele.” Laha kak pahoi Jises, “Amite kumahe tuahe nati aweisal. Amite se nati Haeu wanen.”

Jon Meng solian ti Jises tataiai Jon 8:55

Tuahe amuto kum tioi i. Nga tioi hawane i. Na masin nga ukek nga kum tioi i, nga puputawen, hanowi ti amuto. Tuahe nga tioi i ape nga puas usiusi kakaian.

Aposel 13:10

I ukek, “O unaui *Satan! O pahoxai hatapo waliko tenen solian, o puluti seilon ma aile hakila saun lialun. Kakai Haeu lawe o kaxi towiahu hani puputa.

Aposel 24:9

Tesol Ju sa huali kakai Tertelus ape lato ukek ka kakaian pate salan.

Aposel 5:3

Pita ukek, “Ananaias, nake lahan o hani lioi *Satan kapiti namilom ape o aile puluti *Holi Spirit ti akeni kongini aliakei teik moni ti kahi hepekeun?

2 Korin 11:3

Tuahe i hamatau nga uke amuto hongeni seilon tenen puputa neini hakalala soliai pakataiamuto kapi *Krais hanowi ti *Satan i uke tanome weiko ape puluti hakalala *Iv.

1 Pita 5:8

Kewa namilomuto xewan ma kanipetiwa *Satan tel pahoxaiamuto. I masin tok oha lengean na i sasaxax teleiai anan.

2 Pita 2:4

Kalak puki teka *engel tetan, laha kum salia kaui kawatan ti laha tahi kakaian ma aile saun lialun. Haeu tiehi kongini laha leili tesol pate tilokoan ti kaui moloan atengi ngain tapeinan ti paxai kolongeniai woi lawe seilon.

1 Jon 1:8

Na kako ukek kako kum aile wanen saun lialun, kako puluti aliliake kako ape kako kum paxai tioi waliko salan ti Haeu.

1 Jon 2:21

Aile ape nga tai hani amuto kumahe nake amuto kum tioi kakain salan ti Haeu tuahe nake amuto tioi hawane. Nga tai hani amuto nake amuto tioi ka tap wanen putain i ahuma ti waliko salan.

1 Jon 2:4

Na tel i ukek i tioi hawane Haeu tuahe i kum hong usi nauna tetan, i tel seilon ti puputa, i kum paxai tioi waliko salan ti Haeu.

1 Jon 3:12

Kako kum hahanowi woi *Kein, tetel i usi woi Satan ape i telei tel ukalan *Abel. I aile ukek ien nake puki woun pate lialun ma i watakai soliai woi tel ukalan.

1 Jon 3:15

Teteka laha watakai seilon liai, Haeu namiloi ukek laha masin teka weli teleiai seilon. A amuto tioi ka seilon tenen ien laha kum uke *tonain kapi Haeu ti tap tahi tapoan.

Jud Nauna ti Jud hani teka kahikahi Jises Krais 1:6

Nameniwa teteka *engel laha heleini poh ti Haeu haniwen laha ape laha lioi tonalaha kapin lian tehue. Aile ape Haeu hamalumini laha xinotan leili tilokoan atengi ngain tetehu ti i hiniti lawe seilon.

Hahatakei Haeu 12:9

Tok loloma lalap ien i se *Satan, tetel hoi i pupuas ti imat wanen, lokon ti i tanoma hanowi weiko. Lawe i neini hakalala seilon ti ailei saun lialun. Ape muhi tehu hilehile, laha towi ahuti i ma tesol tuaun hani tehu pon itan ie.

Hahatakei Haeu 13:14

Lokon ti i aile tesol waliko lalap ien ti hahitake axe totok manihuh i ahutama itax, i neini hakalala teka seilon. Ape i lungei laha tanomiai tok manihuh hanowi tanome totok i ahutama itax, totok laha hamange ani ngol tuahe i moihin tutuen.

Hahatakei Haeu 2:10

Kum maamata tesol kawatan lehe ape i tunahi amuto. Hongoa! Satan hanamiloa teka seilon ti kalabusiamuto ti tohongiai xoxoi namilomuto tetak. Amuto kau kawatan ien ti teik taun kukunun. Amuto tu xox tatalewa tetak kalak na laha telei amuto. Ape nga hani kahumuto tonain tuah kapi Haeu ti tap tahi tapoan.

Hahatakei Haeu 21:8

“Tuahe teka laha mamata ailei pupuasak, teka laha tale tehitolaha hani nga, teka laha to ailele waliko tenen ti hahien, teka teleiai seilon, teka ailei saun lialun ti wawan hehin, teka laha hapuasa apelaha hiliai seilon, teka laha lotui waliko liai kumahe Haeu ma teka seilon ti puputa, laha hatesol kane ah ti hina salfa, waliko tenen poun i telei seilon. Pate tap tahi tapoi kaui kawatan ien.”

Hahatakei Haeu 22:15

Melal ti tehu taon ti Haeu, teka seilon pate lialun wanen, teteka laha hapuasa apelaha hiliai seilon, teka ailei saun lialun ti wawan hehin, teka teleiai seilon, teka laha lotui waliko ti kumahe Haeu ma teka laha wangiti saun ti puputa.

Hahatakei Haeu 9:11

Tel masiwi neinialaha i tetel engel ngahatiai tewau wal walawalan wanen. Ti kakai *Hibru axan Abadon ma ti kakai *Grik axan Apolion. Salangawe tenen ax ien i ukek, “Tetel halialui waliko.”