Jon Meng solian ti Jises tataiai Jon 5:23 - Seimat

²³ I aile ukek lehe lawe seilon hong ma sameni nga tel Natun masin ti laha hong ma sameni tel Tamak Haeu. Tel na i watakai nga tel Natun, liai hoi i watakai tel Tamak Haeu, tetel i taloma nga.

Jon Meng solian ti Jises tataiai Jon 5:23 ပူးပေါင်းရင်းမြစ်များ

Matiu 10:37

“Na tel seilon pamu i waheni tel taman ma tel tinan i xoini ti i waheni nga, i kum pon kahikahik. Na tel seilon pamu i waheni tel natun i xoini ti i waheni nga, i kum pon kahikahik.

Matiu 11:27

Ape Jises hone teka seilon ukek, “Tel Tamak Haeu hani hatapoen nga pohen ma anesoan. Mewenae tel Tamak Haeu tioi hawane nga tel Natun ma mewenae nga tel Natun tioi hawane tel Tamak Haeu. Ape nga tel Natun nexi haxewa tel Tamak Haeu hani teka seilon ti nga kilami.

Matiu 12:21

Ape kilan seilon ti lawe xux hana hatapo laha hani he minan.” (Isa 42:1-4)

Matiu 15:8

“ ‘Teka seilon sameni nga ti tuahe awalaha a namilolaha pate xauxaun tetak.

Matiu 28:19

Aile ape nahih haniwa lawe xux ape aile hasohotua teka seilon kahikahik. Baptaisiwa laha hahitake axe tel Tamak Haeu, nga tel Natun ma *Holi Spirit.

Luk Meng solian ti Jises tataiai Luk 10:16

Jises kakane tatale teka kahikahin ukek, “Tel ti na i hong usi kakaiamuto, tin masin i hong usi kakaiak. Tuahe tel ti na i kum nam waxi kakaiamuto, tin masin i kum nam waxi kakaiak. Ape tel ti na i kum nam waxi kakaiak, i kum nam waxi Haeu tetel i taloma nga.” Jises tiliwa kakaian ape 72 kahikahin lato nahih aile waliko ti Jises tatalo lato ailean.

Jon Meng solian ti Jises tataiai Jon 14:1

Jises kakane tesol kahikahin, “Kum aile hahakawata namilomuto ti tuahe tenen na waliko. Namilomuto kewa xoxoan ti Haeu ma nga.

Jon Meng solian ti Jises tataiai Jon 16:14

I kaxi hani amuto waliko ti nga kaxi hani i ape i kola lalape pohek ma soliaiak.

Jon Meng solian ti Jises tataiai Jon 17:10

Lawe seilon tetak se tetam ma lawe seilon tetam se tetak. Ape sale pupuasalato i kola lalape pohek ma soliaiak.

Rom Teik pasi Pol hani teka kahikahi Jises Krais ti Rom 1:7

Aile ape nga tai hani amuto hatesol teka *Rom ti Haeu waheni, teteka i kilami seilon tetan ape amuto hani hahatapo i tupuamuto. Nga kamei Haeu tel Tamakako ma tel Masiwi Jises Krais kolai lalape soliaialalu ma hatona hasoliai tiamuto.

Rom Teik pasi Pol hani teka kahikahi Jises Krais ti Rom 15:12

Ape *Aisaia tin i kak ukek, “Tel seilon i nakuama ti tehu kahi nati *Jesi tel tame David, i sohot tel masiwi ti nahikei teka kumahe Ju ape laha hana hatapo namilolaha hani i.” (Isa 11:10)

Rom Teik pasi Pol hani teka kahikahi Jises Krais ti Rom 6:22

Tuahe amuto taha hawanewen ti saun lialun ape amuto sohot unaui Haeu. Ani tenen ien, Haeu huali amuto lehe amuto hani hatapo i tupuamuto ma amuto uke tonain kapin ti tap tahi tapoan.

Rom Teik pasi Pol hani teka kahikahi Jises Krais ti Rom 8:9

Tuahe amuto teka kahikahi Krais, kumahe amuto usiusi isiai tupuamuto. Se Holi Spirit tetel i neneini amuto na salan amuto hahani i puas leilomuto. Nameniwa ka seilon teka Holi Spirit kumahe i pupuas leilolaha, laha kum pakata wanen kapi *Krais.

1 Korin 1:3

Nga lotu kamei Haeu tel Tamakako ma Jises Krais tel Masiwi ti haniamuto lalape soliaialalu ma hatona hasoliai tiamuto.

1 Korin 10:31

Aile ape na amuto ang ma na un, ma ti lawe waliko amuto aile, ailewa ti sameni haxawai axe Haeu.

1 Korin 16:22

Tel na i tap wawahen hani Jises Krais tel Masiwi, lialuin lalap tunahiwa i ti lengei Haeu. Jises tel Masiwi, kum kukueini aliaiam.

1 Korin 6:19

Nakon amuto kum tioi ka tupuamuto se masin ingi Holi Spirit? Haeu haniwen amuto ape i pupuas leilomuto. Amuto kumahe puki masiwi ti amuto.

2 Korin 1:9

Salan tetan amite sokok uke amite mat nake i hakawata hawane tiamite. Tenen ien i sohot lehe amite kum hana namilomite hani puki kuimite, tuahe hani Haeu, tetel i xahateni aliake seilon maten.

2 Korin 13:14

Wawahen ti Haeu ma lalape soliai Jises Krais tel Masiwi kapimuto hatesol. Nga lotu kakamea lehe *Holi Spirit huali amuto ti pakata hani kapin ma puki alia tel tel ti amuto.

2 Korin 5:14

Pake wawahen ti *Krais sulini haxoxo nanahiamite. Amite soh hawane ka ti matei Jises Krais i kau kawatan ti lialui woi lawe seilon. Aile ape kako namiloi hanowiwa ka kako mat tuaiwen i.

2 Korin 5:19

Matei Jises Krais se kahuiai lialui woi seilon. Aweisal tewau ien Haeu aile ape wasole seilon kapin pon i sawi. Haeu kum hapeti he namilon lialui woi teka kahikahi Krais. Tenen *meng solian ie Haeu haniwen amite ti kaxi haniai seilon.

Epesus 6:24

Nga kamei hetekie Haeu aile hasolia hawane haniwa hatesol teka laha waheni Jises Krais tel Masiwi ti kako, wawahen ti tap tahi tapoan.

2 Timoti 1:12

Nake ti tenen ien laha axi nga kawatan. Tuahe nga kum hiena puluhini ka nga leili kalabus nake nga tioi tetel namilok xoxoan tetan. Nga tioi hawane ka Haeu ngahati tenen meng solian ti i hani nga kaxi ahutian atengi ngain ti i hiniti hatesol seilon.

Hibru 1:6

Lokon ti Haeu taloma tel Natun pate tuah hani tehu pon ie i ukek, “Hatesol engel tetak haxawawa axan.” (Deut 32:43)

2 Pita 1:1

Teik pas ie tataiak nga Saimon Pita, tel *aposel ma unaui *Jises Krais. Nga tai hani amuto teka hina namil xoxoan ti Jises Krais hanowi amite tesol aposel. Jises Krais tel Haeu ti kako ma awaiakako ti kawatan ti saun lialun, i hanamiloa kako ape kako soh tetan nake i tel sawisawin tapein.

2 Pita 3:18

Pahak amuto aile tatalewa waliko ti Haeu waheni lehe waxi pakataiamuto kapi Jises Krais tel Masiwi ma awaiakako i xox ahe ape tin i axi halapa soliaian hani amuto. Kaha hatesol haxawawa axan ti aope ma lian tehue. *Salan wanen.

1 Jon 2:23

Tel na i tale tehiton hani tel Nati Haeu, i kum pakata uke kapi tel Taman. Tuahe tel na i kum kaxi puluhini xoxoi namilon ti Krais, hoi liai i pakatawen kapi tel Taman.

2 Jon 1:9

Tel na i kum tu xox ti waliko Jises Krais hanauen ma i hasea ma na hatae waliko ti puki namilon, i kum pakata wanen kapi Haeu. Tel na i puas usi aluini kakain salan ti Krais, i pakata xox kapi lalu hauhua, Haeu tel Tamakako ma tel Natun Jises.