Jon Meng solian ti Jises tataiai Jon 18:38 - Seimat

³⁸ Ape Pailat kamei i, “A waliko la tenen salan?” Muhin ien Pailat nahih alia hani melal kapi teka seilon ape i hone laha ukek, “Nga tai upia tunah tenen ti i pon suluan.

Jon Meng solian ti Jises tataiai Jon 18:38 ပူးပေါင်းရင်းမြစ်များ

Matiu 27:24

Ti Pailat paxaiwa ka laha kum hong waxi i, ma tehu lape hile uke i sohot wasole teka seilon, i waxi kan ape nuhi minan he pulalaha. I ukek, “Tap teik kawatan tetak ti sale matei tel seilon ie, ien se waliko ti amuto!”

Mak Meng solian ti Jises tataiai Mak 15:14

Pailat kamei laha, “Nake lahan? Waliko la pate lialun i aile talesiwen?” Laha tilol ausini aheke, “Tahi hakeawa i he kros!”

Luk Meng solian ti Jises tataiai Luk 23:4

Ape Pailat hone teka masiwi tuah ti hukuminiai Haeu ma seilon, ma teka laha apupuha, i ukek, “Nga tai tunah tenen na i pon suluiai tel seilon ie.”

Jon Meng solian ti Jises tataiai Jon 18:33

Pailat nahih alia hani leili ing ape i hone tesol unauan hakahitai Jises hani kapin. Ape i kamei i, “Nakon o se tel masiwi tapein ti teka Ju?”

Jon Meng solian ti Jises tataiai Jon 19:4

Pailat nahih ulea hani kapi teka seilon laha apupuha ape i kak ukek, “Nga atoheni i hani amuto. Tuahe amuto tioi kewak nga tai tunahi tenen na waliko lialun ti i pon suluan.”

Jon Meng solian ti Jises tataiai Jon 19:6

Teka masiwi tuah ti hukuminiai Haeu ma seilon ma teka peteniai *Ingi Haeu paxaiwa Jises ape lato leng ausisini, “Tahi hakea i haniwa he *kros!” Tuahe Pailat ukek, “Puki amuto tahi hakeawa i. Nga tai upia tunah waliko tenen lialun i ailewen.”

Aposel 17:32

Ti laha hongoa ka Pol kakaxi sale xahateniai seilon maten, teka ti laha soxeni i tuahe teka liai lato ukek, “Pahamite amite hong ulea tenen meng o kakaxi.”

1 Pita 1:19

Puki Jises Krais i mat kahuiai lialui woukako kalak i sawisawin tapein. I tap wanen teik waliko lialun masin tok *sipsip wawan uluha pate huliwi ti teka *Ju telei ape hani Haeu.